【士㞗彈系列】《她被寄宿到鹽水男孩的家中》2K15中: 2K144

我：「以為妳會連珠炮發咁鬧佢添，咁快就收線。」
Q：「無興趣嘥咁多精力落佢度，繼續拉啦。」
我：「乜原來真係會補到十點幾㗎？返工都無咁勤力。」
Q：「你以前咪又喺樓下玩到十一二點，你有無留意過當你夜晚喺度揸貨櫃車嗰陣我喺度做緊乜？明明係你自己懶咋，唔好唔記得聖誕假後發生乜事。」
我：「我記得嘅，諗住…會開始溫㗎喇。」
Q：「如果你同我考到成坺屎咁，唔使指擬我會再理你，下年繼續讀中四溝師妹啦。」呢個時候佢嬲到火遮眼，我都係小出聲為妙。
之後我哋去咗練腿部肌肉嘅機，佢條仔又唔生性打嚟。
Q：「未呀…重做緊…乜呀，你話我肥咗吖嘛…唔知呀…咪煩啦…瞓先…哦。」我係佢條仔應該會驚到腳震。
我：「佢無理由唔知妳嬲緊㗎。」
Q：「理得佢，警告你呀，要對女仔好啲呀，知唔知？」




我覺得…我無扑濕契妹已經做咗個大好人。
結果，佢就做到自己筋疲力盡先肯停，已經十二點幾…
Q：「夠皮喇…就郁唔到，去沖涼。」
我：「唉，我都好想喺度沖涼。」全身濕晒，出去又凍。
Q：「你做乜唔喺度沖埋呀？」
我：「無帶毛巾，無帶衫換。」雖然唔抹身分別不大…
Q：「照沖啦，我都無帶衫換，借條毛巾畀你嘞。」
我：「之但係，都要等妳沖完涼先借到。」
Q：「使乜呀，你照入去沖，陣間攞畀你咪得。」
我：「吓，妳就咁入去咁大膽？有閉路電視㗎喎。」




Q：「低B，你而家入去望下邊格有位先，再出嚟話我知，我陣間搵個哥哥幫手攞入嚟咪得。」
喺度沖涼真係好舒服，闊落過屋企，無限熱水兼送埋洗頭水沐浴露，可以完全不計成本咁洗走晒身上面啲老泥同頭油，雖然QQ次次都鬧佢啲洗頭水係垃圾…或者，佢喺度洗緊自己gap gap？將入面啲多餘嘅體液排返出嚟。呢個女仔唔介意畀男人射入去，但就唔可以嘥佢時間同食垃圾…
等咗陣有人敲門，然後有個男仔呆下呆下咁遞咗個紙袋畀我…多謝晒，我係佢都唔會好受，無端端俾女神撩，結果係要幫佢做運輸工人，幾秒鐘天堂跌返落嚟。
用QQ嘅毛巾，係有啲佢嘅味，但已經無乜特別感覺。
出到嚟又見返佢同一個look，想象到佢換完衫就即刻衝出嚟嗰下係有幾咁嬲，平時佢要慢慢揀攞乜衫去換。
就嚟一點鐘，我哋好自然咁喺條街手拖手。
Q：「我隻腳…大髀有啲痺。」
我：「唔係好正常咩？妳好似三個幾鐘無停過…」
Q：「我聽日會唔會行唔到㗎？夜晚重要去食飯。」