真·後現代末世純手寫校愛網小《交叉仔傳記》: 2K159

我：「妳好呀，阿貞…好耐無見，上次真係唔該晒妳…」
欣：「睇下！佢都無戴Bra㗎！」佢件衫俾人一手拉緊。
貞：「黐線㗎咩！咪攪呀！我唔係妳嚟。」
欣：「唔好介意，佢啱啱同條仔鬧完架嚟係躁啲，你可以幫下手氹返佢開心。」又鬧架…關我乜事喎。
我：「貞姐，乜妳唔係無住hall㗎喇咩，點解喺度嘅？」
貞：「咁啱有科elective同佢撞咗，所以咪一齊溫書囉。」
欣：「係鬼，佢唔肯返仔仔屋企，所以走咗過嚟屈蛇。」
貞：「屌妳啦！關乜事呀，講到我無自己屋企咁，嗱，望下我哋個枱面，全部都係notes嚟㗎。」當然重有手提電腦，餅乾、薯片、朱古力，同埋汽水。
我：「雖然唔知妳感情狀況係點，但暫時忘記一下佢，專心溫書都唔錯嘅…我諗。」
貞：「我咁大個人使唔使你幫手輔導呀…算啦，橫掂我都有嘢想同你講，我用自己電話打畀你啦。」




欣：「記得開視像呀，條鹹濕仔好掛住妳㗎！」
望住佢喺個電話螢幕度攞電話出嚟打畀自己，原來都幾怪下，有啲似呢個無限對望鏡嘅概念，重有班女神當日上台表演嘅無限螢幕…你問我有無掛住佢，都有嘅，但唔知點解我個個女仔都有掛住，無論係架車定係Angel，就算係我怕咗嘅契妹；甚至係韻婷，唔係話我對佢重有乜嘢幻想，而係…希望處男康對佢好啲啦，應該可以屌到呢個大波妹反白眼，唉，我嘅初夜呀，媽咪我錯喇。
貞姐打嚟，我同健仔好自然咁分返開坐。
貞：「哎，死仔包，同女神過得幾好吖嘛？」我唔知道佢有幾瞭解我嘅狀況，但相信欣姐亦唔係一個十分口密嘅人，不過又無所謂嘅，點計佢哋呢啲外人唔會影響到我嘅生活，反正男女同居對佢哋嚟講似乎易過食生菜。
我：「無乜變化呀，都係咁，關係良好，多謝關心。」
貞：「嗯，唔錯呀下…我都估唔到佢兩個做乜會變成咁，不過…你大概都知佢哋而家係點㗎啦，我無任何想批評佢哋嘅意思，只係想同你講，如果你希望同女神繼續好地地，最好就唔好理佢哋啲事。」
我：「無理，亦唔會參加，Kuromi叻女嚟，唔使擔心。」
貞：「咁就好，佢哋有佢哋嘅自由，都唔好周圍講。」我先無咁蠢，係個低B仔咋一聲就俾思韻撬開咗把口。
我：「咁就當然啦，唔通我自己啲嘢又可以講出街咩…咁妳無事吖嘛，做乜同男朋友嗌架嘅？」
貞：「就嚟放聖誕新年吖嘛，我一早開學就同佢講咗準備去邊度玩，結果到月頭都重係乜都未搞過，咁無啦，機票好貴，酒店爆晒，台灣都唔知去唔去得成，然後問我去澳門或者上廣州好唔好，我嬲爆好正常呀？」




我：「直頭應該添啦，啲房爆晒抵佢無得同妳爆房。」