真·後現代末世純手寫校愛網小《交叉仔傳記》: 2K167

我：「呢個…到時再算，最緊要大家開心！」
Q：「唓！答咗等於無答！咁我話唔開心永遠唔好做啦！餓死你就啱！」點解可以咁一時一樣…
我：「妳都明知我最尊重妳，就梗係配合返妳意願。」
Q：「無鬼用，就唔識諗下點樣令我開心嘅咩！」
我：「我梗係有諗啦，但唔等於…諗就會成功㗎嘛。」
Q：「對住我裸體都重係咁，剩係識硬J，正一廢J。」
我：「呢個…係佢對妳表示尊敬嘅方式，但係我…點知妳會唔會開心喎，我只係一個好普通嘅男仔，又唔係好似團長咁咁有魅力，妳或者…未必想同我做…」
Q：「嗯，又真係未吸引到嘅…但，都日日對住，重講乜鬼魅力吖，就算有幾靚仔都望到慣晒啦，不過呢，係接受到嘅！正正常常就得！」佢一路講一路搓我塊面。
我：「係咩…我重未係好慣日日同仙女一齊住。」
Q：「點呀，我係咪好靚，好正，好可愛？」佢望住我嘅眼神…真係好得意，右手舉高屈起撥自己啲頭髮，左手就托住左奶，實在係超自信…兼唔怕醜。




我：「認真答妳，喺我眼中妳內內外外都近乎完美。」
Q：「咪係囉！所以條仆街點可以咁對我！嬲呀…乞嗤！」
我：「而家…唔係妳怕唔怕定介唔介意裸體嘅問題，聖誕都就嚟到，呢個世界係無裸體嘅聖誕女郎㗎，著返件衫先啦…妳都唔鍾意戴Bra㗎啦…」我喺佢嘅聖域摷咗件比較厚嘅睡衣笠落佢個頭度，無論佢有無著衫都係咁正，然後再執起條毛巾幫佢抹頭，我哋…到底算乜？
不過臨近聖誕都有成廿度，就真係要搵你哋呢啲狂開冷氣嘅人算賬，就算唔使我畀錢都係會望下啲電費單，今年夏天平均每個月起碼畀多咗成三百蚊。
係喎…我以前日日躝街又點會開咁多冷氣。
Q：「可能遺傳咗媽咪，佢都唔戴又鍾意裸睡…」
我：「妳可以嘅…呢度係妳屋企嚟。」
Q：「有我咁益你你開心死啦，不過就算幾靚女都無用…唉，條仔都唔惜我，當我係乜喎…」
我：「咁如果，妳當無咗件事嘅話，係嘥咗半晚啫，本身就會攪嘢㗎啦，咁妳之後又可以繼續飲飲食食收禮物。」
Q：「唔得呀，忍唔落啖氣呀，又唔係送LV級數嘅。」




我：「唔係想話妳，但真係有LV收就可以點都得？」
Q：「忍多啲囉！都無計㗎，呢個世界係商業運行㗎嘛，如果有靚嘢收我咪開心返囉，咁問題就唔會出現，不如話返你轉頭，咪又係因為我靚女先肯養我同忍我。」
我：「欸…其實唔使太靚嘅，就算返去年幾之前我都會照顧細蚊，我諗最重要嘅係…相處得舒服，所以已經慣晒，係煮飯畀妳同洗下衫啫，未至於要忍。」
Q：「哦，試下我唔畀你掂吖，睇下你忍唔忍得落。」