屯馬潮句殺人事件: 隔離班的慘叫聲，大佬與擦鞋仔之死

而家班房得我同J哥。

而隔離班一直傳出慘叫聲。

「呀呀呀呀呀...呀呀呀呀...呀呀呀...」

我唔知佢哋係聽太多「屯馬」定係點，而我亦都冇興趣去望。

「屯馬~開通...」隔離班停止發出慘叫聲，取代而之嘅係一把女聲。





「holy shit!」J哥叫咗一聲，就仆就過隔離班房。

「收聲呀屌！」班房得到控制嘅同時，我都過埋去幫拖。

「屯...」當我制止佢唱歌嗰陣先發現原來佢係全校公認，擦自己班數學老師擦到出晒面嘅擦鞋仔--阿兒。

呢個時候我諗緊如果俾佢唱埋落去嘅話，咁學校咪可以少個公敵囉。

於是我扮尿急去廁所，但係J哥冇跟住嚟。





------------------------------------------

5分鐘後

當我經過隔離班嗰陣，發現J哥同阿兒都唔喺度，只剩低一堆屍體。

課室向馬路嗰邊嘅窗全部爆哂，有幾個人嘅頭掛咗喺窗出面。

而家到我嗰班課室傳出吵鬧聲。





喺班房門口，我見到嘅係J哥嘗試攞原子筆插死自己，阿兒將自己個頭撼落黑板試圖撞死自己。

二話不說，我即刻衝入班房阻止J哥嘅行為。

「我要坐屯馬線呀...」兩個人都重複講同一句嘢。

「最多而家陪你去坐。」我嘗試拎開佢支筆。

「嘩咩事呀J哥？」班上有兩個女仔遲到，啱啱返到課室。

「我要坐屯馬線！」講完佢就將支筆插落自己度再掹返出嚟。

「呵呵，啲血係紅色嘅。」J哥已經痴咗線。

「阿兒條柒頭又做緊乜柒。」嗰兩個女仔問我。





「我都唔知。」我回答。

「因應屯馬線改詞事件關係，考慮到學生安全嘅問題，教育局宣佈咗今日開始停課，直至另行通知。同學請執拾書包，盡快離開學校。」教育局竟然會叫停課？唉是但。

經過操場嗰陣，一大攤血仲未被掃走，甚至連屍體都未清理。

但係如果返屋企就要搭地鐵，唉...