屯馬潮句殺人事件: AB型血=解藥？

「暈之前有冇聽過『屯馬』潮句？」醫生問。

「聽過3次。」我答。

「唔...咁請問閣下係咩血型㗎？」佢又問。

「AB。」

「咁呀...請你跟一跟我出嚟。」





我俾佢帶咗入間黑房。

「屯馬~開通~真的很~興奮~」

「屯馬~開通~真的很~興奮~」

我本來係想用手掩住耳仔，但係俾人綁住咗。

但係...我竟然冇自殺嘅念頭？





醫生:我哋啱啱研究到AB型血嘅人身體會產生一種抗體，對潮句免疫。

-----------------------------------------------------

過咗一個月，街上面每日都會死返幾件。

好彩身邊嘅朋友冇乜大礙。

AB型免疫... 信住先。





既然免疫嘅話，不如落街行返轉。

----------------------------------------------------

「屯馬~開通......」對面馬路有幾個耶撚唱緊歌。

如果我冇睇錯嘅話，其中一個係J哥？

但係J哥唔係死咗㗎咩？

唉，是但。

當我過咗去對面馬路嗰陣，佢哋無啦啦拎cuter出嚟介手。

「喂，停手！」我捉住J哥。





「我要坐屯馬線呀！」

「唔死以後慢慢由得你坐啦！」

「我唔制呀！」呢個時候有隻著藍色衫嘅狗經過，J哥一刀插咗落佢心口，再自插心口。

廢事俾班差佬捉，我去咗隔離巴士站求其上一架巴士離開。

呀...應該係離開九龍東至啱。

坐巴士嘅途中，又有新聞話啲抗體只會維持一個月，之後就會消失。

屌，咁即係點撚樣呀？