屯馬潮句殺人事件: 就死
「喂，先生。」
「先生？」
司機突然嗌醒我，乜而家啲巴士司機會嗌自己落車咁先進㗎咩？
「唔該。」我不忘多謝司機。
「唔咩該，啱啱有人話你嘔泡呀，使唔使幫你call白車呀？」
我望咗望地下，發現有攤白色嘢。
「唔使，自己會搞。」然後就落咗車。
-------------------------------------------------------------
「冇事呀嘛？」KK問。
「冇事。」
「係呢，呢排有乜研究。」呢排都係等死咁款。
「冇呀，呢排啲人已經冇以前咁痴線，所以都冇乜好研究。」
「唉。」
距離屯馬線全線通車嗰日已經過咗4個月有多，要研究嘅都研究哂，所以都冇乜好整。
「唉...有咩做？」我歎氣。
「冇呀... 一齊等死...」KK都跟住歎氣。
「唉... 」
而家基本上就係一片死寂。
「估唔到見返之後咁快又要走。」
「嗯。」
「呢排『阿嫂』點樣？」仲用緊小學嘅「刻板印象」嚟講。
「叫返阿兒算啦，我勁憎擦鞋狗。」
「哦。」
咁又吹咗成粒鐘水。
由於而家冇乜實驗，所以我躝咗上手術床「躺平」。
「如果我瞓著咗，就攞我做研究啦。」
(完)