毒男的沉船日誌（有甜？超多粗口！！）: 17.正？（繼續補）

就喺個技師姐姐出返去攞嘢嘅期間，我就周圍咁望，觀察下一陣我出火，啊，唔係，係降火嘅環境。唔，紙巾，毛巾，油，唔，設備齊全。道門可以閂埋，左右牆都到頂，唔，okay，喂，唔係喎，點解，道門中間，有玻璃嘅？咁柒似KTV嗰D門嘅？

Oh shit！唔通呢道，係正骨？Fuck！蝕錢啦咁舖。唉，點解我唔問下個柒頭係揼邊種骨先啊。屌，一陣冇得出火，咁咪即係嗮鳩我錢？定D嚟，雖然佢係玻璃門，扑嘢就冇可能了，但係，個姐姐借一借角度，擋下道門，打個飛機應該都冇乜問題。最多個姐姐唔呻吟，我齋揸波，佢幫我打出嚟囉，雖然唔係最理想嘅情形，但係我睇pornhub入面嗰D真實偷拍happy ending嘅片，好多都係咁，我都好似睇得幾high咁。

說時遲那時快，個技師姐姐就拎住個計時器同熱毛巾入返房。『你站着幹嘛，趴着吧。你要不要踩背啊？』『好』話嗮都係第一次揼骨，有offer嘅嘢一定要試，唔好話踩背，你問我毒唔毒龍，我都會話好。

床就係普通嘅按摩床，有個窿畀你呼吸嗰種。姐姐將熱毛巾敷喺我脊椎，暖粒粒，好舒服。敷咗一陣，就換咗條乾毛巾，開始按。一按，嘩，屌，痛嘅喂，D人又話揼骨好爽，爽你個閪，痛啊依家。雖然唔係真係頂唔順嗰種，但係突然咁摙一下，真係幾痛。摙咗十幾分鐘之後，脊椎摙完，就開始摙大髀。咦？脊椎一放鬆咗之後，好似又真係幾爽喎。依家就係大髀有D痛咁囉。

摙完大髀，就到頭先姐姐promise嘅踩背了。姐姐拎開條毛巾，然後爬上床，再企起身，捉住天花板嗰兩條柱，開始用腳踩我嘅脊椎。踩背同用手按係唔同，發力嘅方法，客人肌肉受力嘅方法都唔同。雖然我feel到姐姐腳底有好多死皮，但係，唉算啦，撇除呢種觸覺，整體上嚟講，都係幾爽嘅。



踩完背之後，姐姐落返嚟，然後就再按咗幾下背，順便按咗幾下pat pat。許？按pat pat？嘻嘻，飛機就實走唔甩了啊話。

『好了，轉過來，我去拿毛巾，回來按前面』按前面？仲唔係雀仔按摩？咁你快去快回了喎。