接下來的是週末,我沒有如平常般頹在家中只顧吃喝玩樂,而是到自修室裡溫習,為的是讓賈渝知道我是個上進的男生。還有,讓自己不能騰出時間來苦思那份生日禮物的接收者。

雖然不知道我能否變成better me,但至少我試過。

有點小聰明的我不常遇到難題,很多課題和不清楚的概念都被我輕易搞定。

就這樣,這個週末我從早上八時自修至下午五時,當中當然有吃飯的時間。然後,回家把書包放低,再到海旁跑步。

曾聽人說過:「溫習消耗人的腦力,運動消耗人的勞力。」



這兩天,回到家後都沒有力氣去用那部電腦,莫說是打機了。雖然身心疲倦,但我卻過得很充實丶很開心。

* * *

為免與世界脫節,在這星期一早上上學前,我還是開電腦看看FACEBOOK和MSN。

可能上帝看到我這兩天的改變,馬上就送了一份禮物給我。

因為我在FACEBOOK看到,原來賈渝買的那條手鏈,是送給她好姐妹的。



* * *

心花怒放的我,這天早了不少時間出門。

回到學校後,我居然看到平時跟我一樣遲的阿玲。

「阿玲,今日咁早既?」我見阿玲一個人坐著,於是上前搭訕。

「我今朝失眠,咪索性早啲返黎囉。」她打了個呵欠:「喂,你同Mandy發展成點呀?」



「吓?我唔明你講緊啲咩喎。」我嘗試避開她的目光。

「仲扮野?之前你俾佢單獨留堂,之後仲有人見到你同佢兩個人一齊行街,咁都仲唔係有野?」阿玲逐漸提高聲量,吸引到操場內數名學生的眼光。

「殊!咪咁大聲啦!」我緊張地說。

「咁你就從實招來啦,最多我唔講出去。」阿玲拍拍心口,一面認真地說。

「其實十劃都未有一撇。」我唉了一聲:「我唔知佢對我有咩感覺,我同佢既關係又係咪只係師生咁簡單。」

「咁你呢?你對佢又有咩感覺?你又想同佢發展成咩關係?」

「um...如果佢係一朵花,我會想好好咁欣賞佢既美麗,係狂風驟雨既時候為佢遮風擋雨,係太陽猛曬既時候為佢叼遮,係佢缺乏水分既時候為佢澆水灌溉。」我盡量將我對她的感覺實體化。

「點解?」阿玲的聲音有點沙啞。



「因為我愛上左佢。」

「我係問你點解愛上左佢呀!」阿玲無故站了起來,向我大叫。

「我都話,唔好咁大聲......」我向她做出「安靜」的手勢,並示意她坐下來:「乜原來愛一個人,係可以有原因既?」我反問她。

「......」阿玲表現得很冷靜:「夠鐘上班房早讀啦,我上去先......」