我是一個學界的灰姑娘: 15.兩位老師初次家訪

係車上，Miss Cheung遞File俾佢先生睇
 
「去呢個地址」
 
等埋Miss Lam之後，我地就向我屋企出發，途中，Miss Cheung個女係到問姐姐野
 
「家姐家姐，翹哥哥呢?」
 
「浩翹?佢係公公屋企做功課呀，浩揚哥哥陪住佢」
 




「點解哥哥唔黎呀?」
 
「傻女，哥哥都要做功課嘛」
 
「我好耐冇同佢玩啦!!!」
 
「嗯…下個月啦，等妳新屋裝修好，妳就可以成日同哥哥玩囉」
 
「知道」
 




「妳陪果個姐姐玩住先啦」
 
小妹妹走過黎我果邊
 
「姐姐，妳叫咩名呀?」
 
「我叫 Natalie，余家琪」
 
「姐姐妳又係英華女校學生呀?」
 




「係呀!」
 
「婆婆話媽咪細個都係呀，係英華仲要好曳添架!」
 
「妹妹妳叫咩名呀?」
 
「我叫李慧思，Charlotte。我係大坑真光中學小學部二年級學生」
 
「妳讀書一定好叻」
 
「我一定叻過Daddy，佢成日都俾媽咪蝦架」
 
原來大白鯊個名，唔係浪得虛名
 
部車去到屋企附近，慧思跟住爸爸去食雪糕，而其他人就跟我上樓




 
我拎出鎖匙打開門，我住嘅小套房就出現係兩位老師同姐姐面前
 
我屋企一眼睇哂
 
有個好細嘅電磁爐煮野食，仲有小電飯煲
 
小雪櫃、小電視
 
一個極細嘅洗手間連沖涼房，同埋夾係床上嘅小風扇
 
夏天我係屋企時，通常只係背心短褲，因為真係好熱

雖然有冷氣，不過我地盡可能都唔開，就係為左慳錢
 




「我瞓上格床，食完飯會係檯到溫書」
 
我指住張好細嘅檯
 
「太夜嘅話，我會返上床到溫書，偉叔上次幫我整左塊板可以當做檯用」
 
「但係家琪，妳冇任何娛樂咩?只係溫習?」姐姐問我
 
我擰擰頭
 
「有時間我都會去幫媽媽手執野賣」
 
我係一個角位拎出堆廢紙同爛鐵
 
「呢到都有三十蚊」




 
Miss Lam望一望我個書架
 
「家琪妳平時都係自己溫習英文當娛樂?」
 
「嗯，不過有街坊會俾d小說我睇」其實我都有D金庸小說
 
「妳同媽媽兩個人住，會唔會唔夠位?」Miss Cheung有d擔心咁問
 
「我地冇咩錢，原本住天台屋嘅。自從爸爸走左，我地要慳錢，所以要住劏房。當年…..我地連爸爸殮葬費都唔夠」
 
我抹一抹眼淚
 
「如果唔係爸爸老闆幫我地出錢，爸爸最後一程都要寒酸咁走」
 




Miss Cheung係我見唔到時，影左好多相
 
Miss Lam問左我問題
 
「家琪，妳鍾唔鍾意睇書?」
 
「鍾意架，我經常去打書釘」
 
「嗯，妳係學校可以借書睇，唔洗打書釘啦」
 
「知道」
 
「咁妳同媽咪平時食咩?」
 
我打開小雪櫃
 
「嗯…今日有菜、豆腐，仲有菜湯」
 
「夠架啦?肉都冇呀?」小敏姐好擔心咁問
 
「有時樓下小食店老闆會俾d賣剩嘅野俾我地食」
 
「有咩呀?」
 
「煎釀三寶….臭豆腐…碗仔翅…生菜魚肉」諗起都驚
 
「我明白啦。總之妳要好好讀書，唔好要妳媽咪擔心」
 
「知道….但係….校長真係要罰全班呀?」我有D擔心咁問
 
「呢層我都唔清楚，但將來妳有咩事，妳走去3D班就得，佢地全班都會幫妳出頭」
 
點解大白鯊講到佢果班好似黑社會咁樣
 
「嗯…我會」