我是一個學界的灰姑娘: 19. 媽媽病倒了

當日媽媽好似平常咁返工，但係因為天氣開始轉變
 
佢又再一次病倒
 
但係今次媽媽唔係就咁食藥就得
 
佢係返工時，因為太攰同冷親，加上多年嘅積勞成疾
 
終於係返緊工時暈低。好快，媽媽俾人送左入急症室，亦好快，校務處收到醫院嘅電話
 




當醫院打電話黎果時，我係上緊大白鯊堂
 
係門外傳黎Miss Lam嘅奔跑聲
 
「Natalie!!!!」
 
「係!!Miss Lam，有事?」
 
「拎銀包同埋身份證，跟我走」
 




「咩…咩事呀?」
 
「妳媽媽入左急症室，我先生車緊我爸爸黎，妳而家同我一齊去醫院」
 
我全班同學立即擔心起黎
 
「媽….媽媽咩事?」我聽到之後呆左唔識俾反應
 
「詩敏，我一陣再搵妳」
 




「冇問題，Evelyn，妳幫Natalie jot埋notes拎功課」
 
Miss Lam帶住喊得好犀利嘅我上左佢先生部車
 
去到醫院，媽媽已經送左去病房
 
但係我未成年，所以醫生要求有成年人陪同我一齊聽報告，所以Miss Lam同佢先生，同埋林醫生一齊陪我入去
 
「余小姐，余太佢冇咩大礙，佢只係體力不支、個人太攰同血糖太低先會暈低，妳媽媽平日好少食早餐返工?」
 
我點一點頭
 
「佢通常食塊麵包就去返工….所以….」
 
「所以佢營養都不足，佢呢個年齡，唔應該係咁嘅體質。我會安排佢留院休息下，出院後要休息多d」




 
我坐係媽媽病床隔離，咩都唔知點好。仲要媽媽安慰返轉頭
 
「Miss Lam..林醫生…麻煩哂妳兩父女啦….」
 
「余太，我話過妳唔舒服可以黎搵我嘛」
 
「林醫生，我冇諗過自己會咁快會病」
 
「余太，妳真係需要休息下」
 
「我呢D手停口停，邊到可以休息」
 
「余太，妳要聽下爸爸講，要休養好身邊先」
 




「Miss Lam，我仲要照顧個女，為人父母….」
 
「妳唔洗擔心家琪，學校會好好照顧佢，呢段時間余太妳要先休息下」
 
「媽媽呀….妳休息下啦」
 
「我休息?唔得架，一休息就唔夠錢交租…」
 
「咁….咁樣….」
 
「妳想俾人趕出街咩，傻女」
 
呢個時候，Miss Lam先生開口
 
「同學，俾妳媽咪全名我，英文全名」




 
「老公你想做咩呀?」
 
「做應該做嘅事，妳住邊?」
 
「北角….」
 
「妳會拎野去賣?」
 
我點點頭
 
「係呀…不過果檔見我同媽媽兩個女性….經常會扣錢….所以…」
 
佢開左張支票俾我同媽媽，係五萬蚊
 




「Miss Lam….我地兩母女點可以要妳先生d…」
 
「余太妳收左佢，我太太有冇講妳地知，我好似妳個女咁大果時，已經冇父母，同家姐兩個相依為命」
 
「程生….」
 
「望住妳個女，好似見返我細個咁，一步一步自己慢慢行落去，到今日我膊頭先有四劃」
 
我而家先發現，Miss Lam先生膊頭上，係機長肩章
 
「妹妹妳拎住支票去銀行，然後好好地陪媽媽休息。有唔舒服就去搵林醫生知唔知?」
 
「知…知道」
 
「好啦家琪，妳俾媽媽休息下啦」
 
「媽媽妳休息幾日啦」
 
「我知道啦，妳聽晚唔好黎啦，乖乖地溫書啦」
 
「點可以…」
 
「余太，妳放心，我會陪住家琪黎」
 
「Miss Lam，唔好太麻煩妳啦」
 
「唔緊要，余太，呢個係我太太嘅責任」