我是一個學界的灰姑娘: 55. 第一次俾媽咪追打

「家琪?妳做咩入黎呀?」
 
「媽咪…」
 
不過我已經驚到低頭，校長呢個時候就出聲
 
「美姐，家琪而家有d事，妳同偉叔一定要知」
 
媽咪望住我
 




「家琪妳犯左事呀?」
 
我擰一擰頭，但係已經有眼淚流出黎
 
因為我第一次有事瞞住媽咪
 
「家琪，校長要妳自己同媽咪講，妳而家嘅事」
 
「家琪乖啦，我當年都係咁架咋，之後仲捱左三針」
 




「家琪呀，果陣我妹妹係診所都一樣咋，妳要坦白d」
 
我吸一吸啖氣
 
「媽咪…我而家…拍緊拖…已經一個月」
 
媽咪聽到之後碌大隻眼，然後唔知佢諗左去邊
 
「妳…妳有左呀?」
 




「唔…唔係呀!!!!」點解佢會咁諗呢
 
「妳想嚇死我咩，咁係咩事呀校長」
 
「家琪拍緊拖，學校唔會特別反對，始終佢已經踏入青春期，拍拖係好正常」
 
「校長我明白，個女舊年同男仔拍過拖我都知」
 
「不過美姐…今次同家琪拍拖嘅係…」
 
「家琪妳同女仔拍拖呀?媽咪好開通，冇咩所謂喎，只要妳鍾意就得」
 
我不停係到擰頭
 
之後Miss Lam開聲




 
「美姐，家琪同我個二仔拍緊拖，即係同校長個孫仔、同自己班主任個侄仔拍拖」
 
媽咪聽到之後唔識俾反應，不過佢似乎好嬲
 
「家琪!係唔係真架!!」
 
我第一次俾媽咪嚇到喊
 
「媽…媽咪呀…」
 
「我問妳係唔係真!」
 
「係…」
 




「妳…妳點可以咁架!!!」
 
「但係媽咪呀…我真係鍾意浩揚架!!」
 
「妳…仲駁咀!!」
 
媽咪起身走過黎想打我
 
「美姐!!!妳唔好咁先啦!!!」Miss Cheung同Miss Lam立即過黎擋係我同媽咪中間
 
「美姐!!!佢地兩個都好乖，冇搞出任何事」
 
「Miss Lam呀!!妳地成家對我都有恩，點可以就咁俾個女搶走妳個仔架!!!俾林醫生知道仲得了嘅!!妳個衰女，係咪想激到阿爸都彈返起身呀?」
 
佢都變左灰，點彈?




 
終於媽咪突破兩位老師，連偉叔都阻唔到佢
 
我立即開門逃走
 
「家琪?」
 
「姐姐?」x2
 
其他三大護法想阻媽咪，但係又點阻呢?發惡嘅媽咪，就好似哥斯拉一樣
 
會客室嘅騷動引埋我同班其他同學黎
 
「Natalie?做咩呀?」大家都好緊張
 




「Evelyn妳幫我擋住媽咪!!」我走到去我班同學堆入邊，都阻唔到媽咪
 
「美姐呀!!妳冷靜D先啦!!」我d同學不停咁講
 
正當媽咪走到我身邊想打我果時
 
有一個身影非常瀟灑哂出現，仲擋左係我身邊，佢一手攬住我，擋係我前邊
 
佢著住白色校服，唔係我地英華女校嘅學生，因為佢係一個男仔
 
佢校服上有英皇書院嘅校章，白色西褲嘅屁股位，仲有個鞋印
 
浩揚係學校出現左，佢係英華女校入邊，公開保護我