我是一個學界的灰姑娘: 78. 你問我答嘅犧牲品

過左陣，Ethan拎左個椰皇燉燕窩俾我食
 
「家琪妳食多d啦，對皮膚好呀」
 
小敏姐見到之後又係到串我地兩個
 
「喂喂喂你顧住家琪一個得啦?」
 
「家姐妳自己去拎啦」
 




「而家我叫你去拎，去定唔去?」小敏姐邊講邊散發出可怕嘅氣息
 
「去….去….」
 
Ethan行開左之後，我問下小敏姐
 
「小敏姐，要點先可以令Ethan聽話?」
 
「佢成日蝦妳咩?」
 




「又…唔係嘅…」
 
「唔…我呢個細佬呀….佢鍾意d小鳥伊人嘅女仔…」
 
「所以佢就…對我…」
 
「應該係啦，佢有冇講幾時鍾意妳丫」
 
「幾時呀?唔…」我諗返起佢同我開始拍拖果日嘅說話
 




「佢話第一次重遇見到我，就對我有意思」
 
「即係妳第一次上黎我屋企果時?」
 
「係呀，果日我好用心咁教慧思數學」
 
小敏姐諗一諗「咁妳果日係咪笑得好開心?」
 
「都係架，慧思佢咁得意」
 
「咁我細佬一定係鍾意妳呢樣野，所以呢，妳唔洗特別話要點教佢，我細佬自自然然會好聽妳說話」
 
「真係?」
 
「當然啦傻妹佢係真心真意鍾意妳嘛」




 
我聽到小敏姐咁講，就紅哂面。以佢性格，一定唔會咁易放過我
 
「痛唔痛呀?」
 
「唔…唔太痛」
 
「妳有冇….嗌出黎?」
 
「有…我忍唔住….第二次黎果時大叫左…」
 
「估唔到妳都會喎，睇妳唔出」小敏姐又係到偷笑
 
「好啦…唔好俾其他人知啦」
 




「做得妳大姑奶，一定會幫妳嘅」
 
差唔多到聖誕節，又到左睇人PK最開心嘅投票大日子啦
 
往年我都冇俾人提名過，點知今年我一望，我俾人提名左
 
我轉身望住Evelyn，佢俾左個勝利手勢我
 
我個名隔離寫住；美姐獨生女、英華大內侍衛、校長四大護法之一(爭佢未上台)
 
搞咩呀!!!!我係風紀組之嘛!!!!
 
係考完中期試果時，我果班非常之團結咁為我拉票
 
「喂!!!記住投Natalie一票呀!!!」




 
「投鯨鯊一票呀!!」鯨…鯨鯊?
 
佢地一邊幫我拉票一邊大叫
 
「喂…點解我俾妳地叫做鯨鯊呀?」
 
佢地奸笑咁望住我
 
「妳係風紀組嘛，即係鯊魚黨囉」
 
「咁….巨鯊幫都係鯊魚黨呀」
 
「妳已經係大白鯊入室弟子嘛，所以妳都係條鯊魚」佢地拍住我膊頭講
 




結果我力壓眾人，成為今年「你問我答」嘅犧牲品嘉賓