我是一個學界的灰姑娘: 91. 屬於我嘅你問我答開始

今日我梳好頭，扎好孖辮後，再慢慢行去禮堂後台
 
每年一度，「你問我答」終於開始啦
 
係上台前，Miss Lam同Miss Cheung俾左d鼓勵我，叫我唔好睇唔開
 
係台下嘅禮堂，全校同學都非常興奮
 
因為睇人PK最開心，我承認，我之前每一年嘅「你問我答」都係笑得異常開心
 




而且我想走都走唔到，宿舍係學校入邊，一陣全校黎圍我咪死
 
台上嘅MC拎起枝咪推高氣氛
 
「各位同學!!!!每年一度，英華盛事，睇人乜乜最開心嘅環節係咩呀!?」
 
「你問我答!!!」
 
大家氣氛愈來愈高漲
 




「我地學校呢，今年有一件大喜事喎，大家知唔知呀?」
 
「知道!!!!!」
 
「知道嘅同學，講出黎，係咩事呀??」
 
「兩位工友結婚啦!!!」
 
的確，當日校長係早會宣佈偉叔同媽咪嘅婚訊果時，係全校掌聲不絕。媽咪去收點名簿果時好似去巡遊咁樣
 




媽咪的確好照顧其他同學，佢地件長衫個叉爛左，媽咪會立即幫佢地補，有時我D同學period到有少少貧血，媽咪就煲湯俾佢地飲。天氣凍時，會捉同學叫佢地著多件衫
 
而偉叔呢?每次課室光管有問題，佢都好快幫大家修理好。有時d Miss部車要換車太，佢二話不說幫佢地換好。之前有個Miss考到車牌，第一日渣車返學，佢點都泊唔好部車果時，偉叔就幫佢泊好仲係放學後捉住佢練習
 
所以媽咪同偉叔係學校係好受同學同埋老師歡迎
 
「冇錯!!!我地善良嘅美姐下嫁偉叔，係唔係我地學校一大喜事呀!!!」
 
「係!!!」
 
「咁我又問下大家，校長身邊，有冇侍衛呢?」
 
「有!!!!」
 
「咁眾所周知，校長身邊有光明左右使，佢嘅獨生女Miss Cheung同新抱Miss Lam，咁大家又知唔知，仲有邊d人呢?」MC非常奸笑咁問大家




 
「四大護法!!!!!」
 
「冇錯!!!我地仲有四大護法!!!!虎鯊、鯨鯊、雙髻鯊同埋公牛鯊!!!」
 
大家聽見我地四個綽號都忍唔住大拍手掌
 
「我地今日你問我答嘅嘉賓!!!大家俾D掌聲!!四大護法之一，美姐嘅獨生女!!!大白鯊入室弟子!!校長嘅大內侍衛，同埋!!!最重要嘅…佢係光明左使嘅新抱!!!4D班鯨鯊!!Natalie余家琪同學!!!!」
 
嘩….現場掌聲真係呢……..搞到我想射波
 
我行到台上，同MC握左手之後坐低，佢咁樣介紹我好尷尬架