我是一個學界的灰姑娘: 100. 甘願退居幕後嘅Miss Lam

Miss Lam見到係到溫書嘅我「家琪妳係聖誕假期都唔休息?妳溫緊咩科?」
 
「PHYS呀…我比較弱，每次都係得80分咋」
 
「邊到呀…我睇睇…」
 
「呢到….Force呢到…」
 
Miss Lam不愧係我地學校歷來最叻嘅大師姐，佢當年會考29分，AL 2A1C入HKU，未計佢UE拎A….好奇怪點解佢唔去讀神科，反而普普通通biochem就算，所以我乘機問佢
 




「Miss Lam…我有樣野想問妳好耐」
 
「係乜野?關於Ethan我會答哂妳」
 
「唔係呀…妳被我地稱為歷來最成功嘅師姐，點解妳唔去讀d醫科、法律、精算，偏偏要讀Biochem…然後教書?」
 
Miss Lam望一望我再笑一笑
 
「妳覺得呢?」
 




「我點會知呢?」
 
「妳有冇發現…我屋企有好多野?」
 
妳屋企當然多野啦，三個細路喎，只係小敏姐一個已經多野啦
 
「會唔會係因為…妳先生?」我膽粗粗咁諗
 
「Ethan講左好多野妳知?」
 




「係….包括…佢同Miss Cheung….拍過拖嘅事」
 
「校長同佢爺爺呢?」
 
「都有d….」
 
「唔…Ethan爺爺…係佢爸爸9歲果年過左身，當年我同佢爸爸係同班同學，我地4年級。同妳爸爸離開時間差唔多」
 
「係…」
 
「妳比我先生幸福好多」
 
「點會呢…我同程機長….咦…」
 
我諗返起F.1時嘅回憶




 
程機長當年係北角寶馬山五嶽之一讀書，係社團人士，之後因為媽咪過身，佢契媽校長就照顧佢地兩姊弟…然後佢同契妹Miss Cheung拍拖….之後…
 
「妳知道我奶奶，係我先生14歲果年都因為腦癌過身，剩下佢地兩姊弟相依為命」
 
「我知道…所以校長先至…」
 
「冇錯，校長係佢地契媽，不過，親生父母只有一個。我先生未夠15歲，係5年內已經要面對父母離開」
 
「係…」
 
「我同佢係學校重遇…然後拍拖…應該話我同Miss Cheung仲有我妹妹暗低爭男朋友，我贏左之後，我同佢都好珍惜對方」
 
嘩…當年一定好睇過六大派圍攻光明頂
 




「當年聖誕，我地同佢一齊去日本旅行，係大阪心齋橋果陣，我地一家四口好開心，佢見到後，不自覺流出對自己父母思念。果陣我就覺得，我夫家俾唔到我先生家庭快樂，我娘家一定會盡責任照顧埋佢。」
 
「係..」
 
「所以我唔做專業人士，我想永遠係我先生身後，做佢嘅女人，等佢可以返到屋企有家庭溫暖。最後我揀biochem再讀PGDE返英華教書，等佢可以放心去做飛機師」
 
「即係Miss Lam妳放棄自己?」
 
「A simple act of caring creates an endless ripple that comes back to you，我而家咪咁囉」
 
「最偉大果個，係Miss Lam妳…」
 
「而且，做專業人士幾麻煩，妳睇我妹妹佢地，又要湊孖女，又要讀書。柏瑩柏玲出世頭幾年，我地幾家人幫佢地手湊架」
 
「我明白…」




 
「所以家琪，妳見我地屋企我同先生影嘅相，每一張都笑得好開心。係因為我地兩個人都互相扶持，俾到信心對方，願意為對方犧牲」
 
「我明白啦」
 
「而且，我有兩個仔立志做醫生，仲要個女想做護士，我已經足夠啦，而且…」
 
「而且咩呀Miss Lam?」
 
「我仲會有個做醫生嘅新抱呢」Miss Lam笑住對我講，我低頭好怕羞
 
Miss Lam笑一笑「妳F.1第一篇作文，我的志願，妳英文作文My dream都係寫做醫生」
 
「Miss Lam妳仲記得?」
 




「做妳三年班主任，點會唔記得」
 
Miss Lam真係好溫柔
 
相比起小敏姐就…
 
「頂你!!!程浩揚!!!!!沖涼沖成15分鐘!!!!出黎啦!!!!急屎呀!!!!!」小敏姐又對住廁所咆哮
 
「妳咪瀨囉!!!!」
 
「媽咪呀!!!!!!細佬蝦我呀!!!!!」
 
「家姐妳唔好瀨呀!!!」浩翹伸個頭出黎睇戲
 
「唉….又黎啦…小敏去我房個廁所啦!!!!!」
 
Miss Lam幸福背後，往往帶黎頭痛