我是一個學界的灰姑娘: 107. 小敏姐的男朋友

既然佢入左學校，大家都走出走廊睇下佢係邊位師姐嘅男朋友
 
佢受到全校注視
 
令人最估唔到校長係校長室行出黎望清楚果個男仔
 
不過校長似乎好鍾意佢咁樣，仲同佢傾左好多野
 
五分鐘後，果位師姐出現啦。佢係校長、大白鯊同Miss Lam面前雙手撓實果個男仔
 




佢出現果時全校都尖叫，因為冇人估到佢有男朋友，仲係咁文學青年Feel
 
佢個女朋友，就係我地學校head perfect；小敏姐，程詩敏
 
當小敏姐雙手撓實Jayden果時，好多人尖叫
 
孖女跑到去我身邊「家琪姐，見唔見到呀?表姐個男朋友呀!!!」x2
 
「佢又幾靚仔喎」我睇得好開心
 




柏玲個腦轉轉下，再同我講「不如我地嗌一嗌佢地囉」
 
柏瑩「同意!」
 
「準備….1…2…3!!」
 
「Jayden哥!!!!!」X3，我地三個係樓上大叫落去
 
佢地五個一齊望上黎，小敏姐仲有D尷尬
 




「揮個手啦喂!!!!!唔好怕羞啦!!!!」X3
 
當時小敏姐塊面紅到一個點，然後佢就扔低Jayden跑上黎
 
「我要殺死妳地三個!!!!!!」
 
見到小敏姐跑上黎，仲唔走咩
 
我地飛快跑去Miss Lam身邊
 
「姨媽!!!!表姐追打我地呀!!!」x2
 
我率先走到校長身邊，然後到孖女
 
我地三個仔細望住Jayden，佢又真係幾襯小敏姐嘅




 
好快小敏姐跑返落黎
 
「表姐，唔介紹下嘅?」x2
 
小敏姐嘆左口氣「呢對係我對孖女表妹」
 
「而呢個呢…」佢走到我身邊
 
「係我弟婦，Ethan個女朋友」
 
小敏姐咁樣介紹法，我好難唔怕羞
 
「喂喂喂，妳地幾個呀咪玩到咁癲呀」大白鯊係到講
 




「小敏妳同Jayden走先啦，乖乖地今晚早D返屋企呀，星期一考mock」
 
「知啦媽咪…」
 
終於，小敏姐係last day果日，公開自己男朋友出黎，打破佢係TB嘅傳言
 
夏天來臨，代表DSE差唔多放榜之餘亦代表我地暑假補課日子又到啦
 
放榜當日，我唔洗補課，所以我就走去課室到等小敏姐
 
到佢拎成績單果時，佢唔敢睇
 
一向大膽嘅小敏姐，今日變得好細膽
 
當佢係班主任手上接過成績通知書之後，佢唔敢打開




 
不論係Miss Lam或者程機長、大白鯊同校長、Ethan同Clodulf連同Charlotte都好，都叫唔到佢打開
 
佢雙手雙腳攬實張檯，用心口壓住張通知書
 
「小敏呀!!!俾媽咪睇啦!!!」Miss Lam第一次係學校教女
 
「唔俾呀!!!唔俾呀!!!」
 
「乖啦!!!俾我睇下啦!!!」
 
「行開啦大白鯊!!唔俾呀!!!恐怖雞都唔俾睇呀!!!」
 
「喂拎出黎俾人睇下啦，妳想一世都攬住張檯咩」
 




「唔得呀!!!好驚呀!!!」
 
「家姐，妳吔屎啦」Ethan係到潤緊小敏姐
 
「小敏姐呀?一係我幫妳睇啦」
 
佢諗左一陣就點一點頭，再交張通知書俾我
 
我一睇
 
中文 5，英文5*，數學5，PHY4，CHEM 5*，BIO 5**
 
咁佢都話差呀?
 
我遞俾小敏姐睇果時佢立即鬆左口氣，然後就聽到Ethan嘅慘叫聲
 
睇個成績，小敏姐都係會入到Poly U nursing