我是一個學界的灰姑娘: 118. 大白鯊送出的大獎

「慧思，妳有心事呀?」我坐係佢身邊問佢
 
「唔?冇…冇呀…」
 
「妳呃我唔到嘅，有咩事?我地呢到D姐姐一定幫到妳喎」
 
佢擰擰頭「妳地全部都係巨鯊幫，幫唔到我架啦」
 
「唔好睇低我地呀，妳話我地知先啦」
 




「唉…我爺爺果邊…要爸爸同媽咪送我黎呢到讀中學」
 
慧思之前講過想讀返大坑真光架喎
 
「但係妳有冇同媽咪講呀?」
 
「媽咪都有意思要我返入黎，佢好少可咁同爺爺佢地同聲同氣」
 
「咁妳叫校長唔收妳咪得囉」
 




「婆婆邊會呢…」
 
Evelyn伸個頭過黎「妳有冇同妳爸爸傾過?」
 
「妳覺得佢會反抗媽咪咩?」
 
慧思好似愈來愈唔開心咁
 
「妳有冇同浩翹講呀?」
 




「佢都幫我唔到」
 
「咁啦，去日本果時，我同小敏姐幫妳同媽咪傾下啦」
 
「唔好啦姐姐，一陣媽咪鬧死妳都似」
 
「但係妳甘心黎呢到咩?」
 
「唔甘心架，到時註冊果日再諗方法囉」
 
好快，我地班嘅歡樂小姐Evelyn宣佈抽獎開始
 
首先叫班長出黎抽出第一份禮物
 
「咚………….」大家好團結咁搞搞氣氛先




 
一抽…..「好呀呢份!!!!係M巾一包!!!!!!」
 
然後仲有好多禮物…例如Condom、暖包、香口膠、無印文具等等
 
除左Miss Cheung之外，Miss Lam都送出禮物俾我地抽
 
基本上係人人有份，永不落空
 
到Miss Cheung佢係個箱到抽禮物，大家都非常緊張，想知大白鯊抽中咩禮物
 
一抽!!!!
 
係超大包裝熱浪薯片!!!!!
 




佢真係興奮到彈起咁滯
 
然後到我抽啦….我早年都抽中唔少文具，唔知今年抽中d咩呢…..
 
我抽……大鑊
 
我抽中左Cosplay用嘅空姐裝
 
我望住手上嘅空姐裝面紅紅咁望住其他人。而佢地係笑到有腹肌咁滯
 
笑得最開心果個，係Miss Cheung佢真係指住我黎笑
 
終於到緊張嘅三獎啦，Miss Lam送出左文具一套，係一枝Parker換芯筆一枝
 
抽獎嘉賓由Miss Lam負責，我地專登落去佢果班到邀請佢上黎抽獎




 
「妳地成班咁樣邀請我上黎抽獎…有冇咩條件架?」
 
「有呀!!!家屬唔可以抽中，所以沙律同Natalie唔可以中獎」
 
「妳兩個新抱都唔可以中呀!!!」
 
Miss Lam伸隻手去個箱到抽獎
 
我地全班第二嘅同學非常幸運抽中Miss Lam嘅禮物
 
之後到Miss Cheung二獎

「好啦，妳地成日都話我食人唔螺骨呀，今日我就送份大獎出黎俾妳地!!!」
 




大家其實冇咩期待，九成九又係一大堆Pastpaper之類
 
「今年!!!我送出嘅禮物非常特別!!!絕對唔係Pastpaper!!!!」
 
大家聽到佢咁講都有少少期待
 
「係咪照舊家屬唔可以中獎呀?」
 
「冇錯!!!所以沙律都Natalie都唔可以中獎!!!」
 
「咁好啦….阿女妳同Natalie出黎抽第一份先」
 
抽呀抽….慧思抽到班長…而我負責宣佈係咩野
 
我望一下份禮物「係一個Agus.b嘅銀包!!!!」
 
大家見到呢份之後，對下一份非常期待
 
因為係有個大袋入住
 
今次到大白鯊親自抽返
 
「咚….咚….咚…」
 
大白鯊一抽，抽中左Evelyn!!!!!
 
「中獎者…..Evelyn!!!!」
 
佢聽到之後好似贏左港姐冠軍咁開心咁走出黎
 
大白鯊頒獎後，Evelyn應大家要求立即開左份禮物
 
一開…….係一個新款嘅Agus.b袋!!!!
 
Evelyn真係開心到彈起
 
「打開入邊黎睇下啦Evelyn，睇下個內籠係點」全班同學一齊起哄
 
佢一打開，大家都笑到碌地
 
大白鯊除左送出Agus.b袋之外，仲送出大量英文Pastpaper係袋入邊
 
仲要寫住聖誕後交
 
真不愧係大白鯊