我是一個學界的灰姑娘: 120. 程機長出嘅計謀

「風哥，我個女有野搵你」
 
「唔?慧思妳咩事呀?」
 
「機長呀，大白鯊佢迫慧思返左去英華讀中學」
 
機長望下慧思「妳唔想去英華呀?」
 
「唔想」慧思好堅決
 




「契爺你幫下我啦」
 
「有冇同契媽講?」
 
「冇呀…契媽同媽咪同一陣線」
 
「妳係咪已經肯定會入英華?」
 
「係呀，媽咪點都會有方法送我入去」慧思點一點頭
 




「傻女，最終決定權係妳手上」
 
「點解呀?」
 
「俾妳註冊完，妳都可以拎返張證走架，明唔明?」
 
「少少…」
 
呢個時間，我明白機長講咩
 




「機長…你即係話，就算慧思註左冊，但係真光有位嘅話，佢都可以拎返張證去真光註冊?」
 
「exactly!家琪妳真係好聰明，叻過Ethan好多」
 
就係咁，我地開始計劃慧思呢個重返真光大作戰
 
我地幾個細路係飛機上坐埋一堆，我乘機同Ethan講慧思嘅野
 
「咩話?妳話慧思想反抗姑姐?」
 
「係呀…如果要佢入英華，佢會喊足6年。我唔忍心呢個妹妹咁慘呢」
 
Ethan望住同浩翹玩得好開心嘅慧思，佢都決定幫一幫佢
 
Ethan叫左小敏姐過黎，我再講俾佢知




 
「作死妳呀!妳幫慧思對抗大白鯊」
 
「但係小敏姐呀…妳都唔想慧思唔開心架」
 
「我都明白，我以前見過佢家姐日日耷低頭返學咁，果時佢跟得好辛苦」
 
「慧思讀書我又唔擔心，我只係怕佢變得冇興趣返學。佢就快進入反叛期，如果佢因為咁而對學習失去興趣嘅話…」
 
「爸爸係咪教左妳地d野呀?」
 
「係呀…機長話…慧思可以註左冊先，然後拎返註冊證返真光」
 
「咁要真光有位先得喎」
 




「咁不如叫慧思同真光講，屋企迫佢去英華，但係自己想返真光，叫中學部為佢留一個位?」
 
「唔係家長同學校講，學校一定唔批」
 
我地三個一齊望住李sir
 
「家姐，妳話姑丈夠唔夠膽反抗姑姐丫」
 
「為左個女，佢咩都肯嘅」
 
我地趁Miss Lam同Miss Cheung去洗手間果陣，走去同李sir講
 
「唔….冇問題嘅，你地真係要幫慧思?」
 
「係呀姑丈」




 
不過我地差d走漏風聲，我地完全忘記左雪晴姨姨係到
 
「你地幾個呀!我知道哂你地想做咩啦」
 
「阿姨呀…妳就做下好心，當聽唔到啦」
 
「但係你地夾份瞞住校長喎，你地真係覺得冇錯?」
 
小敏姐之後向佢姨丈落手
 
「姨丈呀….你幫下口啦，慧思好慘架」
 
終於，雪晴姨姨都話會幫下口
 




當兩位老師返埋位果時，我地好快咁返自己位
 
再望下前邊pair小情侶，佢兩個讀咩中學，就睇下李sir同慧思自己啦
 
我係飛機上搵戲睇，有好多戲我都睇過，於是我又拎本小說出黎睇，但係最後我係瞓左覺