我是一個學界的灰姑娘: 135. 係泳池玩水

我同Ethan係泳池邊，睇住慧思同浩翹係到玩水
 
雖然Ethan戴住太陽眼鏡，我知道佢對眼係望實我
 
「喂，我由頭到腳趾都俾你望過哂啦喎，你仲要望?」
 
「我覺得好奇怪，妳做咩突然買三點式?」
 
「我陪慧思買之嘛，佢話想試下著咪陪佢買囉」
 




「人細鬼大啦佢」
 
「我叫過佢，唔好咁細個就想同男仔…咩架啦」
 
「我都有同浩翹講呀」
 
「佢有咩反應?」
 
「佢都好似對慧思冇興趣咁，但係我知道佢根本就想快d同慧思拍拖」
 




「得唔得架?」
 
「由佢地自己發展下囉」
 
然後佢伸手摸我大髀
 
「喂!大庭廣眾呀」
 
「摸下者」
 




「唔俾呀!」
 
我地幾個玩完水，我換返衫同涼鞋就去會所食野
 
其實我都好羨慕慧思，佢真係食極都唔肥。所以佢好放心咁好似隻恐龍咁食佢面前嘅午餐
 
而果兩兄弟呢?細果個鍾意食沙律(唔係慧思呀)，大果個就肉王大帝黎
 
真心想將佢地幾個拎去解剖研究
 
食完午餐，我地返去Miss Lam屋企
 
轉眼間果兩位小朋友再一次係床到瞓緊，而我同Ethan同樣係床到瞓
 
係暑假，我地兩個都要補課，所以一有空檔我地總會見下面




 
不過我地唔會次次見面都去親密，因為我地兩個覺得，除左親密之外我地仲可以做其他野嘅
 
總好過靠果樣野黎維持關係
 
雖然…我同佢差唔多兩星期都會親密一次
 
而且仲著住聖誕Party抽中果套空姐cosplay裝，仲有著校服
 
果兩次，我真係差d嗌到成間屋都聽到
 
9月1日，我專登早d起身，去到巴士站等Winnie返學
 
果然冇俾我估錯，大白鯊好早就游左出黎
 




「家琪」係Miss Lam
 
「係!」
 
「妳一陣幫孫嘉怡睇下校服，妳…知啦…大白鯊佢會…」
 
「我知啦，我會照顧下佢」
 
「麻煩哂妳啦」
 
當Winnie一落巴士，佢就俾我帶左埋一邊
 
估唔到，我搵唔到錯處
 
佢去到大白鯊面前，都冇俾佢捉到唔滿意




 
呢一下大白鯊就認命
 
F.6啦，最後一年係英華啦，媽咪同偉叔都認為，我唔方便再係學校到住
 
所以佢地同校長講，我畢業後就會搬走
 
而校長都有意將員工宿舍改建，俾D家境好差嘅同學，好似我咁嘅背景嘅學生係學校到住
 
當然，保安會進一步加強，駐校員工仍然存在
 
其實校長會唔會裝地雷呢?

F.6，我地小測次數比平時更多。不停操pastpaper。因為…我地已經一早教哂書
 




每日都好似考Mock咁樣
 
有一日，校長叫左我去搵佢
 
「校長」
 
「家琪，坐低先」
 
「係」
 
「F.6啦妳，校長都冇咩再可以幫妳。妳真係做到哂我對妳所有要求。F.1果時要妳全級第一，妳做到。幫妳解決屋企問題，要求妳保持水準，妳做到。到妳同Ethan拍拖果時，要妳再次全級第一，妳地兩個都做到。妳仲同小敏幫我地學校成為學界女排五連霸。校長都唔知點答謝妳」
 
「校長…其實係我答謝妳先係…妳幫我解決屋企問題，仲俾我同Ethan拍拖….」
 
「家琪，婆婆送樣野俾妳」
 
「係?」
 
校長拎左一枝筆俾我，係一枝筆(連大量筆芯)
 
「我送呢枝筆俾妳，筆上刻左妳個名」
 
筆上刻左Natalie
 
「其實佢地係一對筆，另一枝我將佢送左俾Ethan。我希望妳地可以用呢對筆去考DSE」
 
「知道校長!!我會用呢枝筆，成為5**狀元」
 
「家琪妳真係好聰明，妳真係好似雪凝咁聰明」