我是一個學界的灰姑娘: 137. 澳門首家線上賭場上線啦

「好啦，各位在座嘅同學，我地兩間學校咁多年黎大家都係友校啦，舊年仲犀利，有對龍鳳胎添，兩兄妹仲係學生會。咁大家又知唔知到…我地King’s有位同學，同妳地都好有淵源喎」
 
個MC一講完呢句，我果班同學已經係到起哄，依嘩鬼叫
 
「咦?果班同學好似知道喎，我落去訪問下先」
 
男MC走到我地班果到
 
「問邊個好呀?有冇同學想答呀?」
 




我以為佢地會推我出去，點知原來成班都好主動
 
男MC揀左其中一個同學
 
「係…咁我想問下，同學妳叫咩名呢?
 
「我叫Ada」
 
「咁Ada，我地同妳地學校有淵源果位同學，佢Form幾呢?」
 




「你想問阿哥定細佬先?」Ada笑住咁反問
 
「果然識d野呀，當然係阿哥啦，個細佬去左Queen’s丫嘛」
 
「咁一定係F.6啦，係唔係呢?」
 
「真係冇錯喎，不過妳見過佢未呀?」
 
「見過啦，人人有功練丫嘛」
 




此話一出，King’s果邊掌聲如雷，睇黎大家都俾佢昆過
 
「冇錯啦，同妳地學校有淵源果位同學呢，係F.6嘅。咁佢同妳地有咩關係先?拿，唔好講最重要果樣」
 
大家掌聲更勁
 
我地同學拎起枝咪「佢媽咪係我地OG」
 
「仲有呢?咁簡單架!!!」
 
「佢媽咪係我地學校老師，而家係現場」
 
一D唔知道嘅同學就好驚嘆，我地自己老師個仔準備上台表演
 
「拿拿拿，D戲玉就唔好講啦，我地有請自稱全King’s最有型嘅同學。F.6D嘅邊個呀?英華同學，妳地嗌..呀…唔好喎，妳地想嗌出黎定係搵代表叫佢出黎呀?」




 
然後枝咪自然去左我到，我進退兩難之際，Miss Cheung出黎拯救我
 
「係男仔都想自己有型d架啦，巨鯊幫，嗌佢出黎啦」
 
「1…2…3…!!!!Ethan!!!!!!!丫!!!!!」
 
Ethan就係我地成班嘅尖叫聲之下行左出黎，陪伴佢出黎嘅BGM
 
「澳門首家線上賭場上線啦」第一句對白，然後就係東京天氣好熱嘅音樂，引到好多人捧腹大笑
 
即係好多人都睇過?
 
「你好呀，我地F.6嘅娛樂事務總經理加日本文化研究會會長」男MC咁樣介紹Ethan
 




「過獎啦，你係咪同我有仇呢?」
 
「點解咁講呀?」
 
「你知我媽咪係現場你仲咁介紹我?」
 
「係Miss Lam係到丫?定係有其他人係到呀?」
 
喂!!!!
 
「其他人呀?呢…果個囉」
 
「邊個呀?」
 
Ethan捉住男女MC指俾佢地望