我是一個學界的灰姑娘: 146. 一個大膽的想法

「當然啦，不妨話俾大家知，當年某d海洋生物都係咁架咋」
 
「何謂海洋生物呢?」
 
「例如…大白鯊咁啦」
 
「Ethan你真係完全唔怕死架喎。咁問埋你先，你同你媽咪嘅學生拍拖，會唔會有壓力呢?」
 
「點解會咁問?」
 




「如果..我指如果呀…你同Natalie鬧交，俾Miss Lam知道左，佢又問你咩事，你會點答呢?」
 
「我呀?我相信係佢知道或者黎問我之前，我已經解決左」
 
「咁有信心?」
 
「咁真係有試過丫嘛」
 
「嘩!!原來你地會鬧交架? 咁有冇試過解決唔到呢?」
 




下?拍拖鬧交好正常者，不過我地立即諗返起舊年果件事
 
「有呀，我媽咪知道之後就問我咩事囉」
 
「係你唔啱先?」
 
「其實…有邊次唔係我激嬲佢先呢?」
 
我呆左望住佢，明明上次係我有錯在先，佢竟然會攬哂上身?
 




「咁Miss Lam有冇鬧你呀?」
 
「有…家姐仲打左我一身」
 
「嘩…俾小敏姐打添呀?你有冇還手呀?」
 
「邊敢丫」
 
呢個係問我答，好似變左Ethan哥訴苦大會咁樣
 
「咁Natalie妳呢?可能會有閒言閒語喎，妳係老師個新抱喎」
 
「唔…以我所知呀…閒言閒語一定有嘅。但係…即係我同Ethan又乖乖地，又冇做d唔見得光嘅事，所以..我地都唔怕架」
 
「咁我地代兩間學校d同學問啦，果陣你地點樣俾人發現架? Ethan就唔洗講啦，俾人見到你地係自修室溫書，然後又幫Natalie拎書包。」




 
「果陣呀…..佢答」我將個波交左俾Ethan
 
「果時係我同佢去sogo買衫去佢媽咪婚禮，咁媽咪再婚都要搞套好d嘅衫架嘛。點知佢試衫果時俾媽咪同姑姐發現左，就係咁就通哂天啦。所以各位女同學，放學千祈唔好去sogo，我媽咪同大白鯊經常一齊出沒」
 
「咁下一條問返Ethan啦，咁當你媽咪知道你同佢自己個學生拍拖果時呢，有冇對你訓示D咩咁呀?」
 
「哦…呵呵呵…」Ethan個樣有D…唔識形容…應該係苦笑啦
 
「好似有D野咁喎」
 
「果晚呀…我送完家琪返黎宿舍，我返到屋企一打開門呢，就已經見到媽咪，仲有姑姐準備審我」
 
Ethan開始講返當晚事發經過，大家知道Ethan為左同我拍拖而應承左Miss Lam好多野後，大家都為佢而拍手掌
 




「丫…我有個大膽嘅想法喎」我地學校MC講到
 
「係咩呢?」英皇MC回應
 
「Natalie妳可唔可以係到唱返首歌…俾Ethan聽呢?」
 
嘩!!!!玩到咁大呀?!