我是一個學界的灰姑娘: 157. 一世跟隨校長

「但係校長…妳當年同Ethan麻麻…」
 
「係Ethan話妳知?」
 
我點一點頭
 
「咁我個女一直鍾意佢阿哥d事妳都知?」
 
「我知…佢地兩個好似拍拖咁…」
 




「佢地應該係拍拖啦，但係我唔肯定」
 
「唔…」
 
「當年我係為左友情，而親手放棄Tony…而且我同佢一齊嘅話，唔會有將來」
 
「點解咁講呀校長?」
 
「我以前嘛…同妳同雪凝佢地一樣係模範生，但係我同妳地唔同，我好似小敏咁樣，氣勢非常強勁」
 




「但係小敏姐…」
 
「佢地爺爺一定同我拍拖唔長，倒不如我親手放手成全佢同Sally仲好。可惜…我睇住兩個好朋友拍拖…結婚…仲送走埋佢地」
 
「校長妳果時都辛苦啦」
 
「果時好彩逸怡大個女，生生性性。係個仔麻煩d，但係佢真係可以引發奇蹟。所以由果日開始，我就話唔可以放棄任何一個學生。就算佢地成績差都好，只要入得黎我英華女校，我就一定會教好佢」
 
「好多謝校長妳幫我咁多…」
 




「妳係一個好學生，我早就睇得出」
 
「邊係呢…」
 
「最令我估唔到嘅係，妳會同Ethan拍拖，仲有收服到我孫女。妳真係為左Ethan，做到哂我所有要求。所以妳同雪凝一樣，我承認妳係程家新抱」
 
「但係校長….我仲係未有名份嘛…」
 
「呵呵…Ethan咁大個仔，除左小敏之外，冇人收到佢，妳係唯一一個。妳同佢都有相同目標，妳放心啦家琪，妳一定會順利嫁俾Ethan」
 
我諗返起媽咪講好命婆嘅事，所以我膽大咁問校長
 
「校長…當年Miss Cheung嫁果時…係咪妳幫佢上頭?」
 
「係我幫佢上頭，佢同妳一樣咁硬頸，要自己媽咪幫佢上頭」




 
「硬頸?」
 
「我知道美姐擔心d咩，佢怕妳爸爸早走，佢唔係一個好命婆。好似我咁，生詩敏前流產左三次，都唔算係好命婆，不過個女指明要我幫佢。因為…佢同妳都認為，自己媽咪一定係最好」
 
「係…」
 
「總之呢，Ethan係一個好男仔，妳都係好女仔。妳一首默契，加佢一首顧家，妳兩個好有心思」
 
「校長妳過獎啦」
 
「乖乖地返去課室準備知唔知?今日係妳畢業典禮」
 
「知道校長……呀…」
 




「有事?」
 
「校長妳退休之後打算有咩做?」
 
「我呀…..我對Miss Lam個老爺有一個承諾」
 
「係?」
 
「妳應該知道，我當年係爭輸果個」
 
「我知道…Ethan講哂我知…我都知道，小敏姐點解會叫詩敏」
 
「我應承過Tony，會同佢一齊去澳洲生活，兩個人一齊組織家庭。如今得返我一個人，我都會守承諾，退休後去澳洲生活」
 
我諗一諗，媽咪話會一世跟住校長




 
「校長，我地一家三口，會一世跟住妳。如果妳要去澳洲生活，我地會一齊跟妳去，我地會係澳洲好好照顧妳」
 
校長聽到之後，開心到流淚
 
「傻女，妳地對我真係好….妳已經唔係第一個咁講….我契女…都同妳一樣咁講」
 
「我一定會做到」