我是一個學界的灰姑娘: 178. Daddy同奶奶到步啦

係某一日，我地幾家人帶住小朋友去雪梨機場接機。有一架飛機降落後，受到消防車射水致敬
 
果一班，係我老爺最後一班CX飛機
 
首先出現嘅係即將成為醫生嘅浩翹，同埋黎澳洲讀碩士嘅慧思
 
「家琪姐姐!!!!」慧思好開心咁走過黎
 
「仲叫我姐姐?」我笑住咁望住佢
 




「咩喎，我都未嫁佢。Hello Ernest，I ‘m Charlotte」
 
「hello auntie Charlotte」我仔仔似足Ethan
 
「我邊忽係auntie呀…衰仔」
 
「auntie~」
 
然後慧思差d噴火
 




「grandpa!!!grandma!!!!」三個小朋友走向老爺奶奶
 
「妳地湊佢地湊得好好呀」奶奶抱起佢地兩個
 
「媽咪，以後妳要同阿姨幫幫手啦」
 
「傻啦!!!我對孖女都生左，我唔洗湊咩?」雪晴姨姨係奶奶身邊講
 
「Scarlett、Galen返屋企先同grandpa gandma玩」小敏姐依然係咁令人敬畏
 




然後daddy係好多名CX成員下步出禁區，佢將職員證、同其他野交低俾下一班機嘅機長後，正式離開服務多年嘅公司
 
佢一轉身，就著上左新公司制服
 
Ethan車住我地幾家人一切返校長屋企
 
 我地去到校長屋企果時，三個小朋友係花園到追逐
 
我係浩翹身邊坐低，問下呢個實習醫生嘅生活
 
佢遇上左我地實習時嘅問題，生離死別、睡眠不足。但係有一樣野佢一定唔怕，佢個腦轉得好快，所以佢會以佢所學嘅醫療智識去做一個決定
 
做啱冇問題，做錯或者冇咁好，SMO會提出意見俾佢，然後再解釋返佢知咩事
 
Clodulf果然係近年來醫學院最受矚目嘅學生。我聽d舊同學講，佢已經俾私家醫院Mark實，細心觀察佢行醫後嘅事，打算儘快將佢挖過私院




 
「阿嫂，妳果時都係咁?」
 
「做醫生，一定會面對死亡，醫生都係人，我唔係叫你冷如風寒如雪，只係你需要保持專業」
 
「我明白啦」
 
「幾時娶慧思?」
 
「唔…..等佢畢業先啦」佢又係到R頭
 
「你地Long d喎，得唔得架?」Long d真係幾令人擔心嘅
 
「咁佢之前都等左16年，唔爭左等幾年啦」
 




「你呀，真係要好好對慧思呀」我笑住對叔仔講
 
「知道啦，呀…」佢有事想問我
 
「想問d咩?」
 
「係呢到做醫生，挑戰性大唔大?」
 
我笑一笑咁講「其實同香港差唔多，不過人手一定好過香港。護士我地呢到1:4或者1:3，香港至少1:6。而且唔會床位唔夠，我地醫院有後備病房。而且雪梨咁大，至少37間醫院，待遇差唔多，係稅率高。如果你話挑戰性嘅話，你問問阿哥」
 
正當浩翹想開口果時，阿仔走到過黎
 
「Mammy!!!!!!look!!!!」
 
我仔仔係花園大叫




 
「Ernest佢好似你」
 
「似我?點會呀?」
 
「佢同你一樣好聰明」
 
「其實係似家琪姐姐妳」
 
「你自己一個係香港生活，有事嘅話，要立即同我地講，我地會幫你」
 
「知道啦家琪姐姐」
 
「仲叫我姐姐?」
 




「改唔到口嘛」
 
「我知你想做咩」
 
「點解妳會…」
 
「慧思如無意外會留低係澳洲陪校長同姑姐，所以你就想過黎陪佢，係唔係?」
 
佢R一R頭「真係乜都逃唔過妳雙眼」
 
「我係你6歲果年就識你啦，點會唔清楚你?」
 
浩翹微笑一下後，Ethan係佢身後出現
 
「佢想睇嘅話…」
 
「阿哥」
 
「做咩呀老公?」
 
Ethan拍下佢細佬膊頭「黎我返工嘅地方見識下?」