美好世界的沉思者/ADVANCING (重製): 終曲. 沉思者

「鈴鈴鈴~鈴鈴鈴~」就係我沉醉係窗外嘅風景嘅時候，一段鈴聲打斷咗我。

「喂?」我隨即就接咗個電話。

「阿仔呀～」對面傳嚟嘅係我阿媽嘅聲音。

「做咩呀?」

「你而家係咪去緊機場呀？使唔使我地嚟送你機呀？」





「唔使啦，又唔係第一次出國，又唔係唔返。我搞得掂架。」
「你之後掛住我咪send messages俾我囉。」

「真係唔使？我同你老豆而家可以即刻嚟喎。」

「係呀，你地啱啱收工就休息下啦～」

「咁你去到即刻打返俾我地喎。」

「嗯！知道！」





我收咗線之後再次望返出窗，望住條橋，望住個海，望住個天。

「你媽咪打俾你呀？」呢個時候，坐係我隔離嘅阿雯講咗句野再次打斷咗我。

「係呀，佢地問使唔使嚟送我機，咁佢地啱啱先見完客，咪叫佢地唔使嚟囉。 」

「嗯...我想開心啲，但就硬係開心唔到。」佢捉住我隻右手，然後挨個頭嚟我右肩上。

「仲會再見架嘛，唔好愁眉苦臉啦～」





「唉...講就易，點估到咁難啫，嚟緊成年都冇得見你...」

「...咁好啦！我唔去，我留低!」

「咁又唔好！咁難得可以出國讀書喎～」
「...我想見你個時...打俾你...facetime得唔得呀...」

「無任歡迎！唔訓都聽你電話同你見面！」

—————————————————

「嘩～原來機場咁大咁多野行架？！」

「係呀！你未嚟過咩？」





「我咁大個女都未架...」
「最近都係去過澳門咋...」

「咁之後你出國玩，我再帶你嚟！」

「嗯！」
「我應該都唔會敢一個飛，嚟到機場好驚盪失路...嘻！」
「咁跟住我地去邊度玩呀？」

「跟住？...」
「跟住...就要你自己玩喇...我夠鍾走喇。」

「...嗯...我呢一年會忍住架喇。」





「乖，唔好喊，隨時都可以搵我架！」

「嗯...」

「...頭先唔係做得好好嘅咩？頭先好開心玩咗好耐架喎～」

「賢！」呢個時候，係遠處有人大叫我個名。

我抬頭一望，原來係我四個兄弟，阿霆，智偉，傑仔，威威。佢地四個跑過嚟 。

「做咩過嚟嘅？」

「送你機嘛！好明顯啦！」

「嗯...哈！...多謝你！」




「咁...下年見！」

「你都唔好忘記我地！」

「嗯！一定忘...不了！」

我同佢地四個逐個攬咗下之後，佢地四個都逐漸眼泛淚光。

「...我...我眼入沙啫。」智偉一路講一路抹乾佢嘅淚水。

「唔知點解...明明知你會返...但係...不知不覺就會想喊...」

「好喇！我真係要走喇！」
「雯。」





「嗯?」佢帶住充滿淚水嘅雙頭望住我。

我行去前將佢抱住，講真個句，我都好唔捨得佢，唔捨得我嘅朋友，唔捨得香港。

「再喊就水浸架喇～喊包。」我鬆開手，望住佢，幫佢抹走面上嘅淚水。
「再見。」

「...再...再見...」

講完我就掉轉身離開。

「叮！」呢個時候，我口袋嘅手機響起鈴聲。

「一路順風。」一睇原來係阿瑩嘅訊息。

「多謝。」我係心中默念呢句就繼續走。

「？！」當距離禁區仲有一步之遙嘅時候，我感覺到有人拉住我衫尾。

 「！」轉頭一望，就見到阿雯。

「唔好咁嘅樣啦，仲會再見架，阿雯。」我鬆開佢隻手，再繼續行。

—————————————————

呢個時候係遠處企住一個女仔。
「喂，伯母...我想問阿賢佢去邊呀？......嗯，唔該晒伯母。」