數理遊戲: 第四章：相識〈二〉

「睇嚟你都好好運，啱咗兩個位，你介唔介意講吓你個排序係乜？」 我問道

「咁我講完有咩著數？」大隻男問

「當然我都會俾返我個排序同正確排序數目俾你參考。」我答

「2， 3 ，4， 10， 1， 5 ，7， 9 ，6 ，8。」 大隻男答

「唔該哂，話時話你叫咩名同點解你會參加呢個比賽？」我問






「我叫吳賢。講起我參加呢個比賽就把撚火。

是咁的，我老婆喺做手機程式開發，喺上個月仲上埋十大暢銷免費手機應用程式。

有間著名公司話抄襲佢哋遊戲入邊嘅水管，叫我老婆將嗰嗰手機應用程式下架，

如果唔喺就法庭上見。當然我老婆唔忿氣，想同佢哋喺法庭上硬碰硬。

佢喺手機應用程式所賺返嚟嘅廣告費用，差唔多用哂。





於是我就參加呢個比賽助佢一臂之力。」 大隻男答


「你都幾為你女人。」 我說


「自從我同佢喺嗰日發下誓言，以共姓嘅身份嚟生活，

不論是疾病或健康、貧窮或富裕、順利或失意，我都會愛她、安慰她、保護她。





話時話你識得嗰嗰36E？我唔洗你答我，如果識得嘅，就好好珍惜呢段情。」 吳賢說

此時，永怡帶著另一位玩家向著我們的方向走。

「永怡，你身邊嗰嗰係邊嗰嚟？」 我問道

「佢喺曉君，佢喺讀浸大傳理系嘅Journalism 」 永怡答

「歡迎曉君加入我哋。」 我同吳賢異口同聲地說

同時，我相信那八位玩家也開始找同盟，因為他們的視線也聚焦在我們四人身上。

古語有云：團結就是力量，我們在短短的30分鐘已經組成四人一隊，





我相信最多用七回合就可以成功排妥十個套娃。

「事不宜遲，我哋即刻討論策略！

首先吳賢已經排完第一回合，啱咗兩個位，次序為 2， 3 ，4， 10， 1， 5 ，7， 9 ，6 ，8。

大家有咩意見？」我說

「第一回合亂排先啦！」 永怡答

「我哋跟吳賢嘅排法，然後隨意調兩個套娃嘅位，咁未可以知邊個套娃啱位囉！」 曉君說

「人哋幾有見地，唔似你波大無腦。」 我笑著說

「你、你、你...又好叻咩！」 永怡說﹝蕃茄臉再次呈現﹞





「你哋唔好再爭吵，得返四十五分鐘，唔好唔記得每個玩家可以係排序室逗留五分鐘，快D入去啦！」 吳賢說

「等我入去先啦！」