性交轉運打喪屍: （64）

當部車慢慢到駛到埋邊，從車窗望過去足球場，第一眼就覺得好唔妥。

一嚟基本上嚟遠就見到球場血跡遍地，二嚟附近周圍竟然完全無人把守。

「救護站有無話喺邊呀？就咁望落去，呢幾個足球場好似乜都無喎。」楊過將架車泊停喺路邊。

「救護站照計無理由set喺戶外掛？我估應該係喺室內。」Isabel話。

「莫非喺個室內游泳池入面？」Sandy接話。



「嗯…都有呢個可能。」楊過諗左諗，點點頭。

「咁唔好等啦，拿拿臨落車入去啦。」我帶頭第一個落車。

其他人包括隨行嘅「地中海」司機，都跟埋落車。

司機已經停左無喊，但就粒聲唔出，keep住苦瓜乾咁嘅面口。

個天雖然黑曬，但公園嘅燈係著住嘅。



我地六個條友由正門行入去，門口嘅草叢上豎立左維多利亞女皇嘅銅像。

仍憑喪屍圍城，群魔亂舞，威嚴嘅女皇像依然屹立不倒。

隨即，濃烈嘅血腥味從左右兩邊足球場飄來，至於呢一刻球場上嘅場景，可以用「屍橫遍野」以及「滿目瘡痍」嚟形容。

地上佈滿斷肢，鮮血，呢啲都不在話下，最出奇係有好幾架翻側嘅警車同裝甲車。

離遠再望過隔籬兩個場，甚至連墜毀嘅直升機都有。



此情此景，實在令人感到不安。

唯一值得安慰嘅或者就係散落球場各處嘅槍械。

部分嘅屍體係上下半身斷開，身上著嘅都係警察制服，因而推算呢大部分死左嘅人，生前應該係警察。

我地趁附近無喪屍，行入球場「執裝」。

知自己眼界唔得，所以我揀左機關槍，可以唔洗瞄，直接掃射。

楊過就貫徹唔殺喪屍嘅宗旨，淨係揀左支棍，另外三個女仔各人執左一支手槍，畢竟手槍較其他重型槍械輕便，女仔都能夠揸得穩。

執得最多裝備嘅就係司機，只不過佢唔攞槍，淨係執手榴彈，仲要袋曬喺身，至少有五六個。

睇佢個樣，唔知係咪想玩自爆，又要同啲喪屍攬住一齊死。



攞齊裝備，我地就繼續向前行。

「Raaauuugh……」

公園不時都傳嚟喪屍嘅叫聲。

當我地越行越入，個心就越嚟越慌。

唔係因為喪屍，而俾眼前見到嘅景象所震懾。

原來唔洗行到室內，就喺公園戶外就搭左好多臨時急救站。

只但係所有嘅急救站不但不見人影，而且裡面狼藉一片，醫用物品跌曬落地。



再行到去個嗰大草坪，甚至仲見到類似軍營嘅物體扎左喺度，但根本唔見人影。

為左確認清楚，楊過自動請纓，檻過去草地，想行近睇下。

殊不知都未埋到去，行左幾步，就有數隻滿口鮮血嘅喪屍，從個營入面行出嚟。

佢地身上全部都係著住軍服。