性交轉運打喪屍: （77）

喪屍圍城，往後嘅日子會點，我地都唔知，可能從今以後都要生活喺呢個充滿喪屍嘅世界。

然而時勢再壞，楊過卻依舊保持樂觀。

佢深信遲早會有科學家研製出解藥，然後醫返好啲喪屍，並鼓勵我地要心存希望。

咁樣諗其實都無錯嘅，真係望就望盡快會有解藥啦。

現時外面咁多喪屍，如非必要大家都無謂出去，選擇繼續留喺旅館。



電話無訊號，無得上網，我地幾條友對住四面墻無嘢做，唯有玩下board game嚟打發時間。

阿得長期處於醉酒狀態，所以無預佢，其餘我地五個就圍埋一齊玩大富翁。

以前我玩親呢個遊戲都係輸，擲骰仔成日擲去監獄，抽chance卡又次次無好嘢，依家轉左運，
結果贏到開巷，一個贏曬四家。

「係咪路架？又係你贏？好無癮呀，我唔玩啦！」Sandy輸到忟，無心情玩落去。

「唓！符碌精，次次都擲到靚骰，我都唔玩啦！」Isabel都無興趣繼續玩。



「大家唔玩咁我都唔玩。」楊過都走埋，過去陪隻狗玩。

本來五個人，走左三個，得返Shirley唔肯認輸，繼續嬲我玩：「我就唔信贏你唔到，嚟多鋪！」

玩左成個下晝，我連贏左幾鋪，贏得多都覺得無癮，只不過見係Shirley先陪佢玩，因為咁樣我先可以近距離「裝」佢。

對方坐喺度，我見唔到個pat，但唔緊要，除左有個靚籮之外，Shirley都有大波。

寬鬆嘅Tshirt完全掩蓋唔到佢嗰對大奶奶，目測應該仲大過娟姐嗰對。



佢好想贏我，所以玩得好肉緊，成日都有啲小動作，每當佢每郁一下，佢對波就輕輕搖一下。

基本上我全程都無專心玩，淨係顧住𥄫嘢，點知又俾我贏到。

「Damn！我地再嚟多鋪！」

「下？仲玩？」

「我唔信我贏唔到你！再嚟過！」

Shirley堅持玩多鋪，我唯有奉陪。

而我嘅心思已經無放落去遊戲度，個腦就係諗緊呢啲嘢：全屋三個女人，有兩個同過我上床，家下就剩返Shirley未得手。條女咁正，無理由唔諗辦法上架，但應該用咩辦法好呢？



對上兩個都係呃下氹下，用左啲無賴嘅方法搞上床，話就話結果比過程重要，但我其實一直都好想堂堂正正咁，想用自己個人嘅魅力，吸引啲女仔同我上床。

回想返，由細到大我都無俾女仔鐘意過，咁大個人亦都無拍過拖，畢竟自己係一個又黑仔又無用嘅人，試問點會有女仔睇得上眼？

如今世界都就快末日，唔知有無機會可以揾到一段末世情緣，而眼前嘅Shirley會唔會就係一個好對象？

「喂！咪發夢！到你擲骰啦！」Shirley催我。

我隨意一擲，中左一格「大抽獎二等獎5000美金」。

可惜只係假錢，如果係真錢就發達啦。

我地兩個由下晝玩到夜晚，由夜晚玩到凌晨，全部都係我贏，Shirley一次都無贏過。

我狂打喊露，眼訓到癲，對方卻繼續chur住我玩落去，好似唔贏就唔肯罷休咁。



最終真心頂唔順，我不由自控合埋眼，直接盅落棋盤訓著左。

第二朝訓醒，迎嚟住喺呢間旅館嘅第三日。

本來，旅館嘅儲水缸預我地用到四五日，殊不知第三日朝早已經無曬水。

原因就係Isabel早晚都沖一次涼，而且唔慳住嚟沖，搞到唔夠三日就用曬。

本來，我地有嘅食糧同水可以頂到一個禮拜，殊不知訓醒就唔見曬。

原因係阿得隊曬啲啤酒，無酒飲就化悲傷為食量，瘋狂暴飲暴食，一晚就食曬飲曬我地全部存糧。

本來，我地應該屌鳩呢兩條粉腸，但楊過一句「好少事，無水無糧咪再落街揾，順便放Jojo落街散步」，就輕描淡寫咁平息成件事。



我地六個人抽籤，分成三隊，一隊留喺度看門口，另外兩隊就出街分頭去揾水同食物。

抽籤所得，阿得同Isabel抽到看門口，其餘嘅就要落街。

雖然出面好危險，但我心入面又唔係太抗拒出去。

一嚟呢兩日加埋性交左兩次，照計有強運在身，憑藉運氣會相信對付到喪屍，二嚟我分到同Shirley一組，我覺得呢個係一個好機會俾我展示魅力。

出到外面隨時遇到喪屍，到時只要我借住運氣解決曬啲喪屍，喺Shirley面前展現出我非凡嘅實力，咁對方應該會為我動心。

嗰啲災難片，大部分男女主角都係患難見真情，然後就會撻著，最好陣間一落到街就成棚喪屍湧埋嚟，最好捉走埋Shirley，咁我第一時間英勇出手相救。

換轉我係女，見到有人咁英勇救自己，肯定即刻搭曬糖，瞬間就愛上。