性交轉運打喪屍: （104）

隨之，外面嘅腳步聲停左。

三秒之後，又再出現返。

本身啲聲由越嚟越細，變到越嚟越大聲。

「咚…咚…咚！」

我心諗今次仆街啦，俾隻「奧尼爾」周到，我地肯定無命！



我唔想坐以待斃，趁佢未嚟到，想衝出去，於是用嘴型同動作，向Kappa提出呢個建議。

但係Kappa捉住我，示意繼續留喺度，唔好出去。

「咚！咚！咚！」

重如鉛球嘅腳步逐漸逼近。

隻紅眼喪屍每踏一步，地下就會震一下，單係呢種威懾力，就足以令人心驚膽戰。



透過櫃門嚹，我地見到隻嘢已經嚟到衣櫃前。

相距之接近，我同Kappa幾乎感受對方嘅氣息。

我又拎道符出嚟，揸實佢祈禱：幸運之神，我都同Kappa搞左嘢，求下你今次…

心中嘅禱告都未完，突如其來傳嚟槍聲同爆炸聲。

我唔知出面發生咩事，淨係知呢啲槍火聲，喺危機嘅關頭，幫我地引走左隻紅眼喪屍。



咁都過得骨，睇嚟我啲運氣已經返左嚟。

等到出面無曬任何聲，完全靜左落嚟，我地先敢返出嚟。

經歷過剛才咁驚險嘅情況，「細佬」早就軟左，加上呢個地方已經唔安全，所以我都無心情繼續叫Kappa幫手「打飛機」，反而提議快啲離開傢私鋪，免得隻嘢又返嚟。

對方對此無異議，著返套甲後，就同我一齊離開鋪頭。

下晝落完雨，夜空變得清澈無雲。

伴隨住漫天繁星，彎月照亮漆黑嘅馬路。

平時城市嘅燈光太光太亮，掩蓋左星星嘅光芒，當停電嘅時候，先發現香港都可以見到咁多星星。

「呼~~」



一陣涼風吹過，飄嚟一張海報。

Kappa接住佢，拎上手望下。

呢張係一副印有吳彥祖嘅電影海報。

Kappa望到眼都唔眨，突然驚驚青青對我講：「點算？望住呢個人，我個心好似跳得快左，我會唔會有事架？」

果然女人都係鐘意靚仔。

不過話曬都係吳彥祖，咁出名無理由唔識，呢條友睇嚟唔係同我地同一個次元嘅人，越諗佢就越似嗰啲冰封左幾十年嘅戰士，好有可能係啱啱醒返，所以對依家嘅嘢一無所知。

「無事，相嚟啫，只要唔睇就無事啦。」我搶走副海報，隨手就丟走佢。



行左一陣，我地嚟到一間麵包鋪。

本以為諗住揾啲嘢食，順便喺度落腳，但入到去見到無乜嘢食剩，得啲發霉嘅過期蛋糕。

其實呢兩日途徑超市同便利店，都發現糧食比之前少左。

咁又難怪嘅，都過左咁多日，為左生存，大家都一定爭搶食物，而且食物又係消耗品，隨住日子消失，繼續咁落去，終有一日會徹底無曬。

到時無水無電無糧食，日子都唔知點過。

就算運氣再好，都無辦法變啲水、變啲電同食物出嚟。

不過諗諗下，其實又唔洗咁灰，話曬我地揾到隻有解藥資料嘅usb。

只要阿得整到解藥，咁就一天都光曬。



等到世界恢復正常之後，我一定要狂買六合彩，中曬啲頭獎，搞到馬會破產！

發左達咁就唔洗做，日日印印腳數銀紙，歎世界，真係諗起都興奮，哈哈！

一諗到自己發達，就忍唔住笑出聲。

隔籬嘅Kappa問：「你笑咩？」

「無嘢，諗起啲開心嘢咪笑囉，哈。」

「咩嘢令你咁開心？」

「我諗到遲啲如果世界恢復正常，變返原來咁嘅樣，到時我地可以過返正常嘅日子，所以咪開心囉。」



「恢復正常…變返原來咁嘅樣…」Kappa自言自語，「um um尋尋。」

呢一刻嘅我越諗越興奮，好想快啲揾返楊過佢地，好想知阿得研發解藥研發成點，好想從阿得口中聽到好消息。

問題就係，佢地依家究竟喺邊？嗰間工廈又係喺邊？