我次次拍拖都拍唔長，因為我……: 大叔篇
估唔到佢家姐又幾索喎
睇落有啲結衣bb feel,見佢個樣咁nice 惡極都應該有個譜，本身唔係好想入番佢間屋，因為啲朋友仔真係好撚煩，知你見到佢就會係咁煩鳩你，想你幫佢做呢樣做果樣嘢，當啲有陰陽眼嘅人阿四咁，但為咗可以食到佢家姐，我不入地獄誰入地獄呢
所以決定頂硬上我同阿希入番屋，諗住坐住等佢家姐，嘩屌那媽，堆仆街鬼真係認真唔客氣，我哋當時坐係梳化到，佢班仆街圍住企晒個梳化後面，阿希佢咩都睇唔到，淨係掛住玩電話，但我當時係畀一堆鬼圍鳩住，勁撚大壓力啊！！！成班望住我搞到我周身唔聚財，情況好似白妹畀黑鬼圍張圖咁（見下圖）
我話「今日早出嚟有啲眼訓，恰陣先，你家姐番黎就叫醒我」心諗，唉！救命啊，你家姐早啲番嚟啦唔該
我成程係到扮訓，聽到啲朋友仔係我耳邊吱吱針針，好似講緊日文，我估佢哋應該係用日文問我，你係咪見到我哋啊？
我當時心入面係咁唸南無阿彌陀佛，想佢哋死遠啲
之後我繼續扮訓，feel到班朋友愈控愈埋，勁不安
突然間聽到門口卡擦一聲，睇嚟佢家姐番黎了我即刻望向門口嘅方向，心諗終於可以見女神一面，點知......屌那星
完全貨不對辦嘅，開門嘅係一個化濃妝，粉底厚話pizza嘅偽架妹，果下真係好撚失望，我全日搞咗咁多嘢，諗住可以識到靚嘅囡囡，點知佢個仆街仔竟然用假相呃鳩我早知佢家姐咁撚樣，我走先啦屌我用住既仇恨又鄙視嘅目光睥鳩住阿希，佢知我好嬲，但扮到若無其事咁同佢家姐傾計，打算逃避我嘅眼神，扮冇事發生
佢家姐打量咗我一下，串柒柒咁講咗句「你朋友啊？咁老誠嘅？」心諗，死𡃁妹串我老
未知個死字點寫啊？我一陣就拖住你，等你開眼嚇撚死都好阿希話「係啊，網友嚟，打機識㗎.....啊，我未叫pizza 啊，你想食咩批....」
佢家姐話「是撚旦啦，都話餓囉，照舊啦，冇嚟醒目，一早就應該叫定外賣啦」