我次次拍拖都拍唔長，因為我……: 阿希篇
本身我將呢件咁唔開心嘅事忘記咗，應該話係我將呢件黑歷史埋葬咗係我內心深處，係大家眼中我係一個無業失學廢青，但我本身係一個天真活潑嘅人，我當時仲好天真相信我可以用真誠打動謙仔，只可惜一切都諗到太理想，原來我係大家眼中都係一個異類，甚至係個有病嘅死基佬
我第日如常番學，去locker 攞書，點知一開始我就發現我locker 畀人用紅色marker 寫晒粗口，罵我死基佬，屎忽鬼，愛滋病人⋯⋯好多難聽嘅說話，我枱櫃桶入面嘅書都畀人撕爛晒畫花晒，我果下好呆咗，嚇到畀唔到發應，我人生第一次感受到畀人欺凌，果下覺得好心酸，我當阿謙係我知己好兄弟，但佢竟然同人講，仲叫其他人排擠我蝦我，我果下仲傷心過畀佢拒絕，原來畀最信任嘅人出賣係咁嘅感覺
最覺得可怕嘅係，本身同我fd 嘅好朋友都對我好冷淡，仲叫我「行開啦你，你同我哋玩會連累我畀人蝦㗎....不如你都唔好再番學啦，你番嚟都只會為我哋製造麻煩」我本身當我嘅好朋友係我人生最後一根救命稻草，點知換嚟咁嘅結果
身邊嘅人都唔係對我真心，唔肯包容我，只係覺得我係個異類，用盡所有難聽說話欺凌我，甚至打我，捉我去男廁除我褲，話要睇下我屎眼畀人開發咗未一諗到呢啲咁痛苦嘅回應，我兩行眼淚都流晒出嚟，喊到收唔到聲，我中學呢件事，連我家人都唔知，我唔敢同佢哋講，因為我怕連佢哋都會離棄我
但對住呢個初次見面嘅大叔，我好放膽咁同佢講晒所有野，好似如釋重負咁大叔聽到我嘅經歷不單只冇用鄙視目光望住我，仲主動咁攬住我，係我耳邊細細聲講「想喊就喊啦，呢到得我同你，冇人會再傷害你攻擊你」我果下喊到淚線崩潰
我終於感受到被人接納，被人愛嘅感覺