我想嘔啊琴日睇到兩個男人係到扑嘢,真係頂唔緊,雖然我平時都鍾意裝人沖涼,但見到咁痴線嘅情景,我都忍唔住出咗廳坐冇眼睇

容我係到簡介下自己嘅背景,我叫阿儀,死果時係四十三歲,我係呢個單位到都死咗一段時間,次次聽地產經紀嚟都話我係自殺,呢到係凶它所以租比較平,其實我想講我唔係自殺㗎我係畀人殺,一直以嚟我都冇能力報仇,睇住殺我嘅凶手逍遙法外,我咁多年嚟都冇辦法原諒果個殺我嘅渣男,我好想離開呢間屋,去搵個賤人報仇,可惜我無能為力,我好似畀人困住咗係到,走唔到

一直以嚟,我都想搵人講呢件事,但我都死咗變咗鬼,都冇人睇到我,就算我同人講都冇用,慢慢我都放棄咗報仇嘅想法

直到阿林嚟住,我feel到佢好似見到我,但佢又從來都冇嚟我,我成日都想試佢睇唔睇到我,例如沖涼果陣突個頭入浴簾,佢都好似冇咩反應咁,我本身仲諗住佢見到我嘅話,我就可以同佢講呢單冤案

直到啱啱我終於搵到我嘅救星了,果個叫阿希嘅𡃁仔好似見到我啊,仲問我係邊個,我答佢「我叫阿儀啊,實在太好啦,終於有人見到我,我等咗呢個機會好耐喇」





阿希話「你....你唔係人?

我答「唔係啊我死咗好耐㗎喇,救你幫下我啊,只有你先幫到我」