我次次拍拖都拍唔長，因為我……: 阿希篇
結果我叫咗個粟米斑腩飯，啲飯果然好撚硬，好難食
早知聽大叔講食其他，不過算，都點咗冇理由唔食，我一路食一路㩒電話，搵緊有冇咩方法可以幫阿儀離開間屋，因為佢話好似畀某種力量困住咗係間屋到，所以出唔到街，佢係畀風水佬殺，我諗緊個兇手會唔會係間屋到整咗啲類似結界嘅嘢，限制住佢嘅能力我試圖係google打鎮鬼同結界等相關字眼，但都搵唔到啲咩有用嘅資訊，於是我死死地氣，決定開口問下阿叔「你住咗係間屋咁耐，有冇發現啲咩古怪嘅嘢？」
佢話「最古怪咪就係隻女鬼囉，成日裝我沖涼...」我話「認真啊，有冇啲結界之類嘅嘢？阿儀話佢好似畀結界限制住佢能力，所以走唔到」
大叔諗咗陣，話「冇喎，間屋住咗咁耐都冇咩特別，我住果陣都冇刻意去裝修，入住果陣都有基本傢俬電器，我好日又唔會執屋打掃，你執屋果陣有冇見到啲咩古怪嘢？」
我話「不如一陣番屋企一齊搵下有冇咩線索...」佢即刻打斷我話「吓，咁煩，唔好搞我，要幫佢你就自己幫，唔好拖我落水」
我一早已經忍夠佢呢種自私自利嘅性格，我忍唔住大大聲屌鳩佢「唔係你嘅話，我都唔撚會見到鬼啊，屌完我又唔負責任，開心完就算咩都唔理」當我講完呢句後全間茶餐廳啲食客包括伙記都變咗咁嘅樣
心諗，大獲我太大聲㖭
畀人知道晒我哋琴日扑嘢大叔即刻話「細聲啲啦屌你
你陰陽眼單嘢我會負責㗎啦，會搵師傅幫你封眼，一陣同你上去睇下屋企有冇結界啦，真係怕咗你，唉....唔食啦埋單，以後都唔落嚟呢到食飯啦」