我次次拍拖都拍唔長，因為我……: 大叔篇
今日第一日番工，所有同事清一色都係老坑師奶
成個部門最後生已經係我，仲幻想緊有冇啲青春少艾後生女，睇嚟呢個美夢要粉碎，第一日番工都冇咩嘢做，所以我都好準時收工一番到屋企，阿希就好雀躍咁同我講「阿謙好番啦，我聽日會去探佢...」一輪咀咁轟炸我，心諗，關我春事咩
我又唔識佢，唔想知佢啲嘢 ，所以我求其哦咗聲附和下佢算佢繼續講「我打算聽日幫阿謙佢通靈，等佢可以同佢女朋友道別」我即刻打斷佢話「吓，你想插佢屎眼通靈啊
」佢話「咩啊，拖手都可以通靈喇，駛乜咁激啊」聽到呢句，我有啲妒忌，仆街仔居然走去拖人哋條仔
想借機抽水定舊情復燃，我話「你當我呢個能力係公廁啊？成日走去派街坊，有冇問過我准許？」佢笑笑口話「你都幾好笑㗎喎，我做咩駛咩你批准
你又唔係我條仔，仲有啊，你個所謂能力係你傳畀我㗎，都唔係我想要嘅」哎呀，咁大膽
搏咀，假假地我地都大被同眠過，都算一夜情人啊，雖然我都唔明自己點解會咁緊張，但我感覺就好似自己條女當住自己面拖住前度咁，當我死㗎我一手推倒佢落梳化，一隻手支撐梳化個凳柄，一隻手撳住佢心口話「死𡃁仔咁串，信唔信我懲罰你？」我摸住佢心口feel到佢個心噗通噗通咁跳，佢即刻紅到面晒，我隨即咀咗落佢白滑嘅面珠墩到，佢欲拒還仍咁推開我話「做咩鬼嘢啊你，癲咗咩，又霸王硬上弓....人哋個女朋友死前見唔到佢男朋友最後一面，我想了咗佢心願姐，洗咩咁大反應，再者我幫佢一次姐，都唔會再有下次」
我話「你話㗎
唔准用呢個能力出去溝仔啊，知道冇？」