是咁的,我喺補習社見到個靚女: 1

當我刷完牙洗完面嘅時候 我就快快手手出咗廳食早餐

「記住聽Miss講嘢啊 你知㗎啦 而家補習好貴」老母喺度同我講佢嘅大道理

「知啦知啦」我一邊回答老母 一邊食琴晚剩返嘅pizza

點解我會咁順攤去補習？咁就梗係因為女啦

聽講我哋級嘅女神 都係去我呢間補習社 希望可



以撞到佢 然後在發展一段浪漫故事

當我喺度F F緊嘅時候
「快手啲啦 就嚟趕唔切㗎啦 」老母又喺度叫我

「好啦好啦」

我將隻碟攞咗去廚房之後 即刻去衣櫃揀衫

由於我係一個毒撚 我係冇乜潮流意識嘅



所以我就揀咗件黑色T恤 加一條adi 短褲

至於鞋嘅方面 今日就簡簡單單着對vans

當我去到管理處嘅時候 個管理員就同我講
「嘩 俊仔今日做乜着得咁靚仔啊」

好似講到我平時好撚衰咁…



我敷衍咗幾句之後 就即刻逃離現場

由於補習社離我屋企唔遠 所以我就行路過去

咁行過去嘅時候 當然要做下毒撚做嘅嘢啦

當我插着隻手喺褲袋， 扮緊有型嘅時候

前面個女學生突然跌咗銀包

我呢啲新時代良好毒撚 當然會即刻狗衝去俾返銀包個女仔

當我拍一拍佢膊頭 佢轉身嘅時候

「哇屌」爭啲沖口而出



佢嘅靚女程度 係言語描述唔到

「同學你好似跌咗個銀包」我同佢講

「唔該」佢接咗個銀包之後 就好快咁行開咗

「依家啲女真係好怕羞嘅啫 」我喺度自言自語

果然我嘅魅力 係令到廣大嘅女性都怕羞

話咁快就去到間補習社

當我望到個樣嘅時候 我嘩咗出嚟



間補習社嘅招牌有五隻字 三隻字都跌咗落嚟 仲有一隻甩咗一半

塊玻璃痴左啲十幾年前嘅報紙 仲要有啲泥跡係塊玻璃上面

我同自己講
「冇嘢嘅 冇錢裝修出面姐 入面個裝修應該還可以嘅」

我半信半疑咁打開咗對門

好彩 入面個裝修都唔係太舊

我行去個reception

「唔好意思 我今日係嚟補數學㗎 想問吓大概仲有幾耐開始 」我問



「大概仲有半個鐘頭 你可以喺班房入面坐吓先」

點解老母叫我咁早出門口….

點都好 入咗班房先

呢間補習社總共有四個班房 兩間係比小學生

兩間係比中學生

當我一打開門嘅時候

入面已經有幾個人喺入面備緊課

咪住



嗰個咪係跌咗銀包嗰條女

我即刻扮自然咁行去佢嗰行

坐咗喺佢隔離再隔離嘅位

佢應該都見到我 所以對我點咗下頭

「hello 想問吓今日大概會補啲咩啊」我厚面皮咁問

「我哋今日大概就會補單元二次方程 同埋其他代數嘅題目」佢答我

我點點頭 表示收到

阿Sir入咗嚟 我哋個阿Sir 係一個普普通通嘅中

年阿叔

「我哋今日有新同學，請你介紹吓自己 」阿Sir對住我講

「我叫阿俊 咁我就係呢班嘅新同學 多多指教」
我細細聲咁講

「你好呀阿俊」隔離位個靚女 同我打招呼

「係呀 都未問你叫咩名 」 我同隔離位嘅女仔講

「我叫kristy」 佢好可愛咁講

我草草地結束我哋嘅交談 就專心上堂

數學真係好難 究竟係邊條仆街諗到數學

我拍一拍Christy 正想問吓呢條數點做