再說一次我愛妳2: 1.5

「做乜甘好興致同我行中環？下個月就考mock, 妳唔怕劉熙同歐陽朗爬頭咩？」星期六最好就是與嘉善「去街街」。我手繞著她腰，烘著她左邊笑臉。

「有女萬事足~」我再說:「今日出到黎，係要滿足妳要浪漫既要求~」

「我又唔買名牌唔買車、酒既。」她流露出期待的含羞笑容。她怎會猜到我就是要跟她來一場「浪漫」？

「有冇睇過八十年代哥哥同玉令女拍既＜緣分＞？」

我把她牽到鰂魚涌健康村電車站。「呢套都算舊，妳都有睇過？」她四處張望，再問:「甘妳帶我黎呢度做咩呀？关套戲事架？」





「拿，地鐵就太多人喇，我地用電車，黎場緣分遊戲，好似哥哥同玉令女甘~夠唔夠浪漫啫？」我站在她後方，雙手繞到她頸前，與她臉貼臉。

沒想到，她呆了一刻，語調一轉:「如果我同妳，點都遇唔上，甘……」她沒有說下去。我腦海空白了一秒:「玩左先啦~妳對自己冇信心，定對我冇信心先？」

「伍愷文我唔準妳甘講。」她一個轉身，深情對望。我被她懾住了，世界仿佛靜止了，無語了。對望了好一會，我溫柔地說:「比個機會我。」我走到相反方向的電車站頭，向她叫道:「相反方向開始，去到最後一班車完結。我會搵到妳~」說罷，她我各自上車，兩列電車向左走、向右走。

我坐在上層，回盼她那列叮叮車，往着筲箕灣方向駛走。老實，我沒有十足把握能找到她，亦生怕找不到她。遊戲是我開始的，亦應由我好好終結。我們有兩小時時間。明明看似新奇好玩，偏偏惹人愁緒？

北角。銅鑼灣。灣仔。金鐘。中環。





天色漆黑一團。唔好喇，我都系想搵番佢，快快趣玩完佢啦，一d都唔好玩唔浪漫呀……我衝了下車，已在租庇利街。我掏出手機方才發現今早忘了充電。oh demn it, 求下祢唔好呢個時候玩我啦，急死人喇～～～只剩下半小時，我沒有時間放到便利店充，必須找到她。我唔想……但萬一……

夜中環是尤美的，五光十色是點綴了都市的繁華。我坐靠在舊立會前的電車站的地上，望向金鐘方向。再上一次同妳行港島好似好耐之前既事甘，呢個傻瓜話要坐天星小輪，唔坐我泊左去十號碼頭既遊艇~~

終於，遊戲進入倒數階段。我連手錶也擱開一面，很隨心地跟隨我們遺下的足印，走到中環海旁。

時間到了，我找不到她。還是說，我遇不上她？還是說，我和她無緣有份？哈，有點可笑吧？