命運共同體: 第一次接你收工

tg上聊天了幾日
對你的了解 多了一點點
知道你
喜歡看書 真的文青 不過係睇網絡武俠小說
日日修仙 沉迷修仙遊戲

我問你 你想唔想做一個作家
如果呢個世界得返我地兩個人
你覺得會係點樣既生活
你不假思索




會好幸福

喜歡的你的樂觀
你認認真真的寫了 剩下我們兩個人的世界
最後 不出所料
係一篇 修仙奇幻旅程
結局打開了一個寶盒 問我
“期待你的結局”
而我 到現在 都寫唔出
香港咁細咁細




同你既距離係九龍到港島的距離
中間隔住的
是維多利亞海港

我好想話比你聽
我點解寫唔出
我幻想到第一步
呢個世界已經無曬電呀 交通工具

你喺咪會可以搵到我？




你會點樣搵到我？

這種心情
就像是

當我一覺醒來
世界上所有人都消失了
我想找你
我卻沒辦法找到你
馬路上的車都是空的 安安穩穩的堵塞住道路
地鐵沉沉穩穩的停在軌道上 無法前行亦無法退後
失去了所有通訊的信號

只是想想 
我便已被恐懼吞噬了





而你的版本是
skip了萬事開頭難的開頭
從此開始了快樂的修仙生活

我的悲觀便像旋渦

抱著奇怪想法的我 突然很想見你
生怕 明天就是世界末日

約了你見面
你有點傲嬌 說 你可以接我收工
我心唸 哼 等我玩下你先

果日我全身著住黑色衫 近睡衣的街坊look




想著若是要逃跑的情況 亦能輕易融入環境之中

你收工msg我話落咗地鐵 問我係邊
我遠遠地已經見到你四處張望 一臉在搵人既樣
於是我同你講 我著住白色衫 企係度等緊你

咁岩真係有個女仔著住白色裙
我隔住一個車廂位望住你輕輕地走近個女仔
個女仔以為你搭訕嚇一嚇跟住即刻急急腳走左

我好開心
心入面默默地唸 唔 呢個係傲嬌的報復 哈哈哈

跟住跳去你面前
你塊面因為頭先的尷尬搵錯人 即使戴著口罩都見到紅曬





“你又話你著白色衫既？” 望住著住成身黑色既我
點解你發脾氣都咁可愛