命運共同體: 剩下我們兩個人的世界 4

今日係剩下我們兩個人的世界的第四日
日出與日落仍然在持續
我問x 有無唸過去搵 點解
點解得返我地兩個
但佢似乎唔想去唸呢個問題

第三日 我地做左好瘋狂既事
例如打劫銀行 發現
原來金庫都唔係咁難開
但入面的紙幣 卻在現在變了廢紙




滴水不漏保護著的廢紙 我地掃跌曬d廢紙
望住對方傻笑


去左奢侈品店
x突然玩起了角色扮演
x：“太太，呢個係今季潮流限定全球10個既特別色”
“呢個 呢個 呢個 唔要，其他同我包起佢”
x：“算了，都係唔好拎呢個了。”
x在我面前拎起本身要十萬一個既H袋




x:“我覺得呢個間隔真係好難用，同埋個袋都真係好重”

一些原本價值不菲的東西
突然就變得一文不值

去左盲盒店不停開盲盒
x：“哇，開成十盒先出到隱藏，個幾率真係超低wor，好彩我地之前無買”
地上堆滿了一堆塑料製品 
果然是得不到的才是最珍貴的吧






去左夾公仔店拆左部五蚊銀機 跟住不停夾公仔
又玩左幾個鐘

去左半島酒店既總統套房
x：“原來呢個就係有錢人既view”
“其實我地住係度都得，不過夜晚有d恐怖”
x：“係咯。  同埋個電腦好似唔係好好用”
最后夜晚我地選擇左留宿總統套房
維港的光夜未央
街外燈火通明
我地訓係張床度 睇住投影機 光線投射著光怪陸離

“會唔會有一日 我地變左古文明”
x：“你仲有無d咩想做未做？”





我腦海入面很多的幻想逐漸浮現了出來
似乎今日已經做了

從前只想著日後和你有很多很多的時間
但當0與無限同時發生時
我卻開始手足無措

“不如我地自殺？”

x沒有回答
我望了他一眼
睡著的樣子像一隻扁嘴的兔子
他總是在沉默的思考時間 便已經睡著了
Miss了很多pillow talk





whatever
We start from forever.

好嗎。