醒咗之後，我竟然進入咗Minecraft世界！？: 二

行過一轉，呢度四面環海，係一個島仔嚟。

暫時物資都叫做夠用，唯獨係如果用木起屋就會浪費大量木材，所以用泥土起咗間屋仔。

間屋起喺海邊，如果第時有咩係島上面冇嘅可以即刻揸船去第二度搵，唔使行一大段路先到海邊咁嘥力嘥時間。

望緊對面海係咩生物群系(唔記得係咪咁叫)嘅時候，原來近近地嘅海底有個類似遺跡嘅嘢。

通常呢啲細細地嘅遺跡都有個箱，入面乜狗屎垃圾都有，上至寶藏圖，下至蜘蛛絲，就睇自己運氣好唔好。





自問呢排運氣屎到不得了，連坐巴士落車嗰陣都會撼到條燈柱。

但係都係搏下。

用穆Sir教我嘅潛水方法潛落水底，即刻有一大班沉屍歡迎我。

「blublublu... 」嚇到我即刻上返水面。

返入屋拎把斧頭再出返去。





「blublublublublu...」班沉屍依然都係要纏住我，唯有一劍捅落佢屎眼。

「噁！」終於瓜哂。

我打開個箱，果然令到我十分失望。

乜柒都冇，淨係得幾舊唔知乜春嘢係入面。

-------------------------------------------------------





返到屋企冇耐就去咗挖礦。

「唉，掘頭路。」

「屌，又係掘頭路。」

「唉仆你個臭街。」

「唉屌你老母。」

成座島所有天然洞穴都係掘頭路，運氣有冇咁差。

最後被迫喺屋企向下掘，點知得石頭，乜鬼都冇。啲石頭多到攞一半去俾青山走犯加人工都得。

即使用埋魚骨法，都仲係冇收獲。





早知搬去對面...