《指戒的同棲故事》[完]【純愛】: 04 - 守劣·溫暖
這一天，直到現在我仍然是記憶猶新。
是一年前的聖誕節那天。
這天很冷，街上看不到很多人影，也許大家也一樣，不想在這樣凍冰冰的地方流連。
又或者，大家早就約好了去節日慶祝吧，畢竟聖誕節是一個挺浪漫的節日~如果是我的話也會找兄弟或者女友狂歡一夜。
可惜，女友我就沒有了，兄弟也沒幾多個，有的也得去OT加班。
對於他們來說，我這個沒有異性緣的單身寡佬加冇業遊民，聖誕節約他們也只會被絕情的Say No~始終沒有好處吧~
「唉...」坐在中環某公園的水池邊，我感嘆一了聲：「睇嚟依間都係咁帶。」
我淺淺一句，接著在手機的行事錄中把 (藤宮集團-面試) 旁邊給打了一個大膠叉。
明明整個面試一直的十分順利，可是我卻在最後一條題目，答得如此不知所謂......唉
誰叫我自己不小心呢~ 準備面試那麼久也可以出錯，本來要入藤宮集團就不是一件容易的事。
始終是日本第一的國際集團，可不是隨隨便便就可以進去的呢
「唉......睇嚟我都係兇多吉少㗎啦。」我悶悶一句，接著看上天上的星空，耳邊傳來美妙的聖誕歌，可惜心中依然納悶。
已經半年了，再找不到工作的話......
腦海中突然傳來家人的聲音。
「好心你就出去做下嘢啦，日日係屋企做蛀米大蟲咁！」
「你都21歲啦，你仲想靠屋企到幾時呀？情緒病唔係大曬㗎！」
這些句子不斷從腦海湧出嚟，壓也壓不住。
「妖！」我一腳住地上的空罐踢過去，空罐馬上飛到很遠...
我坐下來，冷靜著自己，四周只剩下水池的噴水聲，馬路的行車聲，還有...
「依？你咪係...」從遠處傳來一把女聲。
我緩緩的抬起頭來，一個樣貌清秀，扎著單馬尾的女孩子正在直視著我，旁邊還有我剛才踢過去的空罐...
「呀...」我呆了一呆，一句話也說不出，老實說現在的我應該是面紅了，面前的她真的很可愛呢......
「你係...」她邊說邊走過來：「頭先一齊Interview嗰個？」她笑笑說。
「一齊Interview？」我一面不解
「我地頭先咪一齊Interview嘅~ 你唔記得左嗱？」
他這樣一說，剛剛好像真的有見過她呢~
話說我也真的太緊張了吧，竟然看不到這樣的女孩子在身邊。
「sorry 呀~ 頭先太緊張冇留意到，哈哈哈。」
「唔緊要~」我微笑一下：「點解你一個人坐喺度嘅？」
她問着，中間帶著一點天真爛漫~
「冇~ 我想坐下啫，唔想咁快返屋企...」
「聖誕節坐係條街好嘥啫~」她也坐了下來：「我都約左我啲friend出去~」她笑笑，臉上依然溫柔。
係呢~頭先你in成點呀？難唔難呀？」她問著，一臉興奮的。
「啊...還好啦，都係咁問啫。」對於剛才的表現，我真心不太想多講，所以敷衍一句就算。
「我好緊張呀~ in完出嚟背脊都出曬汗，哈哈~」她笑著，陽光氣息依然散發：「雖然表現麻麻地，不過我盡曬力都滿足喇~」
她邊說邊向前揮出拳頭，她真的很開朗呢~
「呀~」他看了看手錶，有點焦急：「我夠鐘走啦有機會再傾計啦~」
「哦...嗯......」我淺淺的回
「係喇！」說罷，她打開了手袋。
手袋翻了兩翻，從裡面拿出一個護身符，上面簡單的寫著四個字，「事業禦守」
「我之前買多咗個呀，你唔介意嘅送畀你呀。」接著便把禦守放到我手上。
對面的我有點不知所措，但還是收了下來。
「希望我哋嚟緊做到同事啦~」說罷，她就起身跑去
「呀！你叫咩名呀！」我站了起來。
「我叫小敏~」遠處的她說著便離開了。
「小敏...」我緊握著手上的禦守，心理不知為何就安心下來，就好像得到了勇氣一樣。
「返屋企啦！」
。。。。。。
。。。
。
「呵~」
面前的雪盈坐在梳化，喝著沖泡不久的紅茶，耳朵聽著我的話。
「睇唔出你都幾長情喎~」
聽到長情這個字，我忽然感到有點害羞。
「但係之後呢？」她問到
「之後？之後我哋係入職嗰日撞返，就一直到而家...」
「即係話到而家都冇進展過啦？」
她淺淺一笑，我把雙眼側向一邊。
「咁我哋又唔同組...平時又冇乜機會交流...佢平時又忙喎......」我越來越細聲，可能是因為自己也覺得自己在說藉口。
雪盈一反白眼：「你係鍾意人嘅邊會理有幾多嘢阻住你啫。」
「......」被看穿的我無言以對。
「唉~」她感歎一聲：「你唔夠人叻淆底咪認囉，好過你講一堆藉口出嚟啦。」
此刻的我萌生了一個願望，就是希望變身成袋鼠再一次回到媽媽肚肚的袋子中......
「不過又係嘅，你同佢爭咁遠，我係你都冇面追人啦...」
我低著頭，世上最難反駁的事從來也只有一樣，就是事實。你不可能對事實進行反駁，因為事實就是事實。
但係，心還是會忍忍作痛......
「我夠知...但我都冇辦法㗎...我又唔係你，邊似得你咁叻......」我說出悔氣話來。
「你錯喇。」她突然認真起來：「我從來都唔係叻，我只係比其他人做得徹底，你唔好講錯。」
聽着的我沒有給她任何表情。
做得徹底是甚麼意思，莫名其妙的話？
算了吧，我已經不想再提，心情真的很差呢...
「總之呢~」我拿起檯面的相：「呢件事幫我保密啦，我唔想咁煩，可以嗎？」
「嗯。」
見她點點頭示意，我也轉身離開。
回到房間，我坐在地上。
「頂...」我見著手上的照片：「我夠知洛...」
。。。。。。
星期一的中午，我正為午後的飯氣攻心沖一杯咖啡。
午後的睡意真不是一般的強大~
突然，背後傳來觸感
「阿謙~」
回頭一看，小敏就在眼前。
「小！小敏？」忽然的驚喜令我把匙羹都掉到地下。
「你做乜野呀？~」她笑笑的，把匙羹拾起。
「冇...冇野呀...」做甚麼？不就是見到你開心過頭所以失手掉了匙羹吧~
「係呢有咩事？」
「冇呀，我見你今日好似成日都心不在然咁，咪睇下你點囉~」
「呀...係咩~」看見小敏擔心自己，心底不其然就興奮起來。
「依排係有啲嘢煩緊，不過好少事啫冇問題嘅~」
總不能告訴她跟女王同居生活節奏很難適應所以現在很心煩吧......
「冇野就好喇！你要精神啲呀~」
她露出甜美的笑容，看得我心花怒放的，小敏真的又陽光又可愛~
感覺和她一起就會壓力全消，真的很想她做我女朋友......
「小敏~」突然背後傳來一把男聲
「MJ？咁啱嘅~」
筆主的話
(前面有啲細節會變動少少)
AND
呢兩日有少少嘢忙緊所以遲左出文
嚟緊會keep返正常時間出~