《指戒的同棲故事》[完]【純愛】: 13 - 使徒·襲來

「唉....」我按摩着發痛的太陽穴，真是失策......

「佢係邊個啫？」

我望見面前一臉興奮的我家母親，現在真的想立即關門和她 Say good bye。

「她係我同事嚟，依家租緊我間房。」我苦說。

「 Auntie你好呀～我叫Candy呀，你叫我雪盈得喇。」啊盈微笑揮手。



啊盈一副國際標準式笑容打招呼，令我家母親好像中了六合彩一樣心花露放。

商業笑容果然去到那裏都用得著～

「謙仔！謙仔！」家母突然拉着我，把頭探了過來：「依個女仔好呀！媽咪我好鍾意～叻仔果然做到嘢呀！」邊說這向我舉讚讚。

「媽呀...唔係呀......」我一臉無奈。

「唔咩係啫～唔洗呃呀媽喎～」她笑說。



就當我正想糾正她的時候，家母已經輕輕的飛到啊盈身邊。

「雪盈呀！唔洗咁生外啦，叫我媽咪米得喇～」我媽興奮的說。

「唔，唔得嘅，咁樣好冇禮貌㗎嘛。」啊盈保持笑容，但我知道她心裏應該無奈至極。

「雪盈你真係有家教呀～」我媽現在應該已經沒有人控製到了 。

「係喇～唔好企係度啦～坐啦坐啦～」說罷便拉着啊盈到沙發。



被忽略的我看着眼前的一切。

靜靜的關上大門，心想......

唉...手尾長了...

。。。。。。

「雪盈呀～你係到往左幾耐呀？」家母問

「往咗...都兩個月喇差唔多。」呀盈答。

「兩個月？咁啫係一入夥就一直住喺度？」家母再問。

「嗯哈哈～都係呀，我嗰陣時搵緊屋搬， 咁啱搵到個咁方便嘅地方嘛～」呀盈再答。



自我家母親踏入門口以來就沒有停止的對呀盈問長問短的。

上至娘家背景下至朋友圈子。

想到的她都打爛沙盤問到篤。

就差在還未問未來打算擺幾多圍......

才沒有這件事～

她到底有無有想過人家會覺得煩的？

唉～我想應該就沒有了，有就不是我家母親的說......



我把剛沖好的蜜桃茶拿出廚房，沖茶套裝是家母剛送過來的伴手信。

「話時話，要你同我個衰仔一齊住真係委屈咗你喇。你知啦佢份人咁麻煩，唉~」她輕嘆一口氣，眼神中有點失落。

我一反白眼，話說母親大人你在外人面前數落自己的親生骨肉真的好嗎？真的好嗎？！

「哈哈～」阿盈笑了聲：「唔委屈，我都係當湊多個仔啫～」她望了我一眼， 表現出一個意味深長的笑容。

「喂，你米搞到我好似細路咁先～」我反擊一下。

「我冇講錯呀～你係小朋友呀～小朋友～」她也反擊一句：「有本事下次唔好飲醉返嚟～」

「.......」我立刻無言。

現在的我真的很想回到過去，一巴打死那個為情賣醉的自己。



旁邊的家母已經默默地低頭嘆息，心想著自己的兒子未來會成為妻管嚴的畫面。

嘿，我堂堂一個大男人才不會被女人管三管四好嗎。

而且還是這個女人就更加沒有可能。

小敏的話...還可議吧。

「不過平時係公司都似番個男人嘅，起碼都叫幫到我手，都信得過你嘅～」她微笑說。

聽到她的話，我突然面紅了。

直沒想到她會突然這樣說......



我也不知道怎樣回答好。

「嗯...」我別過面去，左手抓抓腦袋：「咁呢啲我應該嘅...」

。。。。。。

時間來到晚上，太陽也終於落山了。

「好啦， 我都要返去喇，你老豆等緊我～」我媽從沙發起來。

「哦～好呀。」我說。

「我送你落去呀Auntie。」呀盈跟著起來。

「唔洗啦～ 我打搞咗你好耐喇，自己就落去得喇，你哋休息下啦byebye。」

說罷，她穿上鞋就轉身出門了。

家母離開之後，家中頓時安靜了下來。

「嗯！！！！」阿盈伸一個大懶腰， 今天她真的辛苦了。

「唔該曬你阿盈，要你陪我阿媽咁耐。」 我有點不好意思。

「唔緊要啦， Auntie份人都幾得意呀。」

「你覺得OK就好～」我淺笑。

「喂，你聽日唔係要拍拖㗎咩，你搞掂曬啲嘢未㗎？ 」她說

「係喎！」我如夢初醒，立刻拿出手機。

話說，小敏的訊息我忙著忙著就忘了回覆了， 都隔了很多個鐘了， 這次真的大檸樂！

我：( 聽日九點見啦～)

隔了一會。

小敏：(好呀。)

「呼......」我深呼吸一下，真怕就這樣失去了和小敏早餐的機會～

「加油啦你～」阿盈拍一拍我膊頭就回房間去了， 只剩下我一個人在客廳中。

「呼～ 」我再深呼吸一下。

終於，到決勝負的時候了。

。。。。。。

巴士， 在大馬路中行走著。

馬路邊的街燈映照著地面， 就如同月亮的光一樣。

現在，婦人就坐在車頭的一角。

「仲以為依一世都唔會再見到有人可以留係你身邊......」她淺笑一下。

「雪盈，我個衰仔就拜託你啦～」


筆主的話
中秋節快樂呀～
有冇人煲蠟呀？
反正今年小弟都係自己一個人過～。