傍晚的海洋公園,四周天色已開始漸漸暗淡。

現在的我正坐在路邊的長凳之上,感受著地深吸力所帶來的安全感。

「下...... 」我深深呼出一口大氣,剛才小船向下衝的一瞬間,感覺我差點就連隔夜飯都嘔出來了...

「阿謙你冇事吖嘛?」旁邊的小敏一臉擔心的。

「冇~我冇事,哈哈哈... 」我保持笑容。



「咁... 我去買啲嘢飲返嚟呀~阿謙你想飲咩呀?」她問着。

「我想... 飲忌廉... 」現在的我特別想喝忌廉。

「好呀,你喺度等我一陣啦~」說罷,小敏就輕步走去了。

她去了,四周霎時變得安靜起來~

果然,她的活潑正是她的魅力所在。



我就是喜歡這樣的她~

「呀~... 」

我雙手向後撐著身體, 就這樣舒服的等待著。

公園的音樂柔柔的走進了耳朵,夾著途人耍玩的聲音,是一種快樂的氣氛。

「媽咪~我想要依個~」遠處一個小女孩說着。



她的媽媽把一隻小海豹毛公仔拿給她。

「琳琳~你係咪想要呢個呢~」

「係呀!多謝媽咪!」女孩露出高興的笑容。

真是很平靜的日常呢~

「哦!」

我突然想起,手信買這個給呀盈不就好了嘛~

反正很可愛的說~哈

「喀嚓!...... 」



身邊傳來了一下快門聲。

轉頭一看,一個帶著灰色帽子,感覺挺有詩意的男人正拿著一部單反拍照 。

「哦?Sorry呀,我見你好開心咁,忍唔住影咗張相?」他問著。

我搖搖頭:「呀,唔緊要~可唔可以畀我睇下張相?」笑着回。

就一張照片而已,沒有所謂吧~但我有點好奇他拍得如何~

「依,你影得唔錯咁~」我欣賞著鏡頭前帥氣的自己,我真的是一個男神~

「哈哈~ 麻麻地啦。」他微笑說~



「真係影得好靚~你係攝影師?」我一邊說手指一邊向右滑。

「哈哈~攝影師我唔係呀~我係個電影編劇~」他笑笑回。

「哈,睇你個look仲以為你係攝影師添。」我笑笑說。

「正常都會咁諗~哈哈~」

接著我們都笑了~

「不過你啲相真係好靚 , 而且~睇落好開心 」 我看著這些照片,感嘆的說。

「哈哈~多謝呀,可能係本身個人鍾意啲幸福嘅嘢掛? 見到就會想影得靚啲~」他微笑著~

「因為~幸福嘅嘢, 永遠都係一閃即逝,事與願違...所以就會想影低佢,為依份幸福做個記號~」他看一看手上的相機,像是回憶起甚麼一樣。



「都啱嘅嘅~幸福嘅嘢係應該保留嘅。 」我回他。

「係呢,未指教,我叫李文謙,你呢?」

「我叫 天川 · 比其。」

「唉!日本人?」我有點驚訝。

「哈哈~唔係,我係香港人,呢個只係我嘅藝名啫~」

「哦~ 等我仲以為真係日本人要同你講日文。 」

「哈哈~日文我都識嘅你可以試下~」



「係喇~」 他看看手錶:「我都係時候走喇, 有機會再傾~」

「好呀~唔阻你先。」

「我平時有係IG有放相,你鍾意嘅話歡迎嚟睇下。」他伸出手。

「好呀,一定。」我呃著他手。

然後,他就離開了。

佢走之後,我再次坐在長凳上。

現在不適感少了一點,已經沒有再天旋地轉了。

話說,我真的要鍛練多些,有些刺激一點的機動遊戲就受不住...

幸好看小敏還挺開心的,結果好就好了。

「阿謙。」 遠處傳來小敏的聲音,抬頭一看她正在慢步回來。

「嗱,你支忌廉呀。」她把汽水遞給我。

「 Thank you小敏。」 我接過汽水後瞬間開蓋品嚐。

甜甜的味道馬上令我回復,果然汽水是很好的回復劑!

好!我復活了~

「跟住你想去邊度玩呀小敏?」我提起精神問。

「你真係好溫柔~啊謙。」

「唉?」我呆往了。

她慢慢的坐到我身邊,路燈射在她身上。

現在的她,成了最近的存在。

「你明明就好攰,仲要死撐話ok。」她側著頭望我,眼睛好像看穿一切的小魔鬼。

「邊有攰啫,我不知幾精神。」我裝模作樣的。

突然,她伸手摸著我的臉。

「仲講大話,你睇下你隻眼啦,紅曬喇。」她的姆指刷在我的臉上:「你捽咗幾多次呀~」

我感受著她手指的觸感,說不出話來。

「要你陪我咁走嚟走去... Sorry。」她微笑著。

「嗯...... 」我只靜靜一聲。

漸漸,她把頭靠下來。

在我的肩膊上,她靠了下來。

「小敏?!......」我有點不知所措。

「你咪問我想去跟到玩嘅~我決定咗喇。」

「我想就咁樣坐係度。」她的聲音在耳邊回響著。

「呀... 好啊...... 」我輕輕回著。

。。。。。。

中環的街道上,我們靜靜的走著,看着四周的途人走來走去,我們彷彿像隔開了一樣,成為了對比的存在。

「多謝你今日陪我玩咗成日。」小敏笑說。

「嗯我應承過你㗎嘛~」我抓抓頭。

「嗯!~」她重重的伸了一個懶腰:「好耐冇玩得咁開心喇~依排成日都咁忙, 要唞啖氣都難。」

「你得閒咪搵下人出街囉,你叫到一定有人陪你㗎。」

就好像我一樣,一定會。

「嘿~」她笑了:「有咩?」

「嗰個M字開頭嘅人呢... 」我別過面去漸漸細聲,就是不想提起他。

「你話 MJ?哈哈,都係嘅~」她淺笑。

「不過我應該唔會叫佢啦。」

「吓?點解~?」我一臉不解,這和我認知不符。

她不出聲,抬頭看著天上的夜空。

「佢好優秀,係個好好嘅競爭對手,但係... 」

「但係?」

「我覺得,如果要出去玩嘅話... 應該會畀佢煩死~」她苦笑一下。

「煩死?」

我又再一臉不解,接著她踏前兩步,一轉身用手指指着我。

「好喇!咁多人就唔好跑啦!」

說罷,她轉另一隻手指着我。

「我地要一個一個地方去!呢條路行快啲,我地要去呢度先!」

接着再叉腰。

「我哋就嚟趕唔切啦你快啲啦!... 」

「同佢出去我淨係諗到呢啲說話~」她淺笑說。

面前的我靜靜地看著她,接著。

「砵!哈哈哈哈哈哈!」我大笑了出來。

「呀!你笑到咁㗎... 」他扁嘴。

「sorry~的確佢好大機會會咁講,哈哈哈哈!」我停不下來~

「阿謙你仲笑...... 」

「SorrySorry~」我努力壓著笑意。

「咁我調返轉問你,點解你又會肯陪我?」

「吓!....我 ......」我突然說不出話, 面前的她慢慢接近我, 一副逼供的樣子。

「因為... 」

「因為?」

「因為, 我覺得喺你身邊應該幾開心掛... 你成日都笑, 好似喺你隔離就會變得開心一樣...。」我淺淺說,臉早已轉到一邊。

「嘿~」她笑笑:「唔係咁㗎~」

「唉?」

「唔係因為開心而開心,係因為想開心而開心。」

我默不作聲,她的話令我在意。

我知道,她將會繼續。

「我媽咪,一直都對我好嚴,要求我成才, 咩都要好。」

「但daddy就相反,佢只係想我開開心心咁過, 所以從來都冇對我有咩要求。」

「因為有daddy,我先冇咁辛苦。」

「但係,其實我只係 將所有嘢都轉咗畀daddy承擔。」

「 咁係咩意思?」我不明白,小敏則擺出一個意味深遠的笑容說:「一個想我成才,一個就想我開心,你覺得最後會有咩後果?」

「呀!... 」我想到有甚麼後果了。

「嗯~佢地鬧交鬧得好犀利。」

「 慢慢,佢哋嘅價值觀開始唔一樣, 媽咪都唔再跟住daddy做嘢, 帶住我出咗去自己開公司, 有得daddy繼續佢嘅生意, 最後離婚。」

「從嗰日開始,我身邊嘅人就再冇開心過... 」

「我... 唔鍾意咁!」

「所以我想,至少得我一個都要開心咁樣笑, 我唔想變成咁!」

「我要比任何人都更加開心更加樂觀, 慢慢我就學識咗點樣為開心而開心,依個就係我。」

「依家你,仲覺唔覺得我係一個開心嘅人?」 她看著我,眼神中有着一股認真。

「我...... 」

「有咩問題?」我反問她。

「唉?」 對我的回答她有點錯愕。

「因為開心而開心同因為想開心而開心,唔係一樣都係你咩?」我笑笑。

「老實講,啲深嘅道理我唔係好明,不過我認為快樂其實好簡單。」

「就算只係造出嚟嘅快樂,只要自己覺得舒服唔係就ok啦咩?」

「想笑就笑想喊就喊, 咁樣先係自由㗎嘛,所以都冇啱同錯,至少我係咁覺得~」我抓抓後腦燦笑著。

小敏看著我, 眼睛一動不動。

良久她終於有反應。

「嘿~ 你講得啱嘅~哈哈~」

她,笑了起來,從心底裏~

「叮叮叮叮叮叮叮叮叮~」

從遠處傳來了一道懷舊的音樂。

這是令人懷念的藍色多瑙河。

我捉起小敏的手。

「小敏!我哋而家就去做啲開心嘢!」

說罷,我便拉著她走到距離不遠的雪糕車。

「老闆唔該兩支雲呢拿雪糕!」

「好!! 嗱,雲呢拿雪糕 。」

「嗱~」我把其中一支給了她:「食甜嘢就開心㗎喇!」我笑笑說,接著大口吃著手上的雪糕!

面前的她舔了一口, 然後望著我。

我們凝視著對方,會心微笑起來~

現在,真是最幸福的時光~

「喂~」小敏突然叫我。

「咩呀?」

「依個~」 他指著我手上的錢包:「原來,你仲留住佢呀?」

我看一看錢包, 裏面的護身符掉了一角出來。

就是那個,一年前的聖誕禮物。

「呀!... 嗯...... 」

「因為... 係好重要嘅聖誕禮物嚟...... 」我別過面紅的臉。

竟然被她看到了... 真的羞愧死人.......

「僕...... 」

突然,一股溫暖出現在胸口前。

她,突進我的懷裏。

「小!小敏!....」

我感受著她的溫暖,腦海卻完全裏不知所措中。

「多謝你~阿謙~」

說罷,她慢慢褪後。

「我哋下次再出嚟玩呀~」她微笑說著。

「好呀~」我微笑回應。

。。。。。。

回家的路上,我一邊走一邊感受著剛才的溫暖。

今天真的是幸福的一天呢~

我回想起小敏的樣子, 心裏甜絲絲的。

「好! 嚟緊一定要畀心機啦!」 我下定決心的說著, 未來一定要更加努力才行!

我拿起手上的紙袋,那隻小海豹毛公仔手信。

「見你幫咗我咁多, 買份手信畀你開心下啦~」

說罷,我便跳跳紮紮的向自宅回去。

然而就在我回到我家樓下的一瞬間。

一個衝擊的畫面就在我眼前出現。

「阿盈?...... 」

我看著面前的她。

還有正吻在她唇上的男人......


筆主的話:
小敏可愛嗎?
我覺得很可愛~
世界第一可愛~
嘿~賣花讚花香💁‍♂️
Ps. 終於有時間砌我盒6637S🙈✌🏻
已有 0 人追稿