拿著兩個玻璃杯子,我從廚房中走了出來。

去到小小的露台中,我把手上的裝著酒精的杯子放在檯上,阿基馬上拿走了其一。

「唔該。」他輕輕道謝,一邊喝,眼睛卻繼續往屋內四處看着,打量着屋內的一切。

也對的,他還是第一次上到我家作客呢~之前一直都不給他上來的,畢竟家理住了另一個人,而且還是公司中的風雲人物。

但是,世事就是如此。



紙始終歸包不住火。

我拿起自己的杯了喝了口:「坐一陣好走啦。」我這樣說到。

「嗯。」他輕輕回我,眼睛依舊沒有看著我。

「呃~」他輕嘆了一口氣:「不過你又話係仔,原來係囡,仲要係同Candy,哈~你都呃得我耐啦,」他看着我淺淺一笑。

「冇計㗎,唔通周圍講咩?」我說,再喝一口酒。



「乒~」阿基的杯子和我的杯子敲了一下。

「咁你都可以同我講聲㗎,一場兄弟連我都唔講。」他笑笑說。

我看一看他,右手抓抓頭。

「就係因為當你係兄弟就更加唔講得,有咩事都好,我都唔想關身邊嘅人事,公司本身就係一個冇秘密嘅地方嚟。」

阿基托着酒杯,輕輕一搖,輕輕一笑。



「嘿,一世人兩兄弟,我明你嘅。」

「你明就好啦~」

我們再一次把杯子敲了一下,乾了一杯。

「不過,我本身都我覺得怪怪地,你一搬屋過幾日Candy又話要搬,心諗,有冇咁啱呀?」

「嘿~」我搖搖頭:「都係嘅~ 不過暫時都係得呢個方法係最好。」

「有得揀我都唔想咁煩。」

「咁差成10皮有得畀你咁揀都真係執到㗎喇,比 我都𦧲飯應。」

「總之呢,我就想平平靜靜咁過咗依一年兩年佢,我依家都儲緊錢,睇下幾時儲夠就可以畀埋佢, 如無意外應該一年左右就會完~」我喝一口酒說。



「嘻嘻,咁小敏嗰度點呀?」他一面好奇的問

「有咩點啫,梗係唔講啦搞掂條數就咩事都冇啦 ,到時搞掂咗條數啊盈搬走咗咪一切都回復原狀囉~」我笑笑說

「係咩~」阿基說著,一邊看著酒杯:「至怕你回復原狀之前之數搬咗另一個未來出嚟啫...... 」他輕聲說著。

「吓?你講咩呀?」

「冇,我自言自語啫~」他笑說。

。。。。。。

喝著喝著時間慢慢過去,現在已經9:30了。



「係啦我都係時候返去,遲啲再講啦~」說罷,他就站了起來收拾行裝。

在臨離開前的一刻。

「放心啦兄弟,依單野會幫你守秘密~」

話畢,他就離開了。

目送他離開後不一會兒。

會來在自己屋間中做自己事的啊盈終於出來了。

「依~走咗喇?」她四處張望。

「嗯~啱啱走咗冇幾耐。」



「見你哋飲得咁開心仲諗住出嚟join埋添。」她低下頭有點失落的。

「而家飲囉,酒仲有好多~」我笑笑說,接著走到廚房拿出未用過的酒杯。

走到露台,拿起枱上的紅酒慢慢地倒進杯裏。

「嗱~」我把杯子遞到她面前。

「唔該~」她說,接著輕輕嘗了一口。

「話說你返咗黎咁耐都唔出嚟飲?」

「條數未搞掂出嚟做咩呀~」她皺皺雙眉:「做曬正經野先再玩好緊要~」



那麼她剛才一直都是在工作嗎? 就在我和阿基把酒傾談的時候......

嘿~果然,她就是一個如此令人眼前一亮的人。

「係喇,話時話你頭先係樓下問我啲乜嘢?」

「唉?」我呆了呆。

「你唔係有嘢問我咩?」她一臉奇怪的看著我。

對呀, 差點就忘記了呢~

剛才阿基突然出現弄得我也沒有了下文。

我眼睛看向一邊, 有點不好意思的。

「冇呀,就係想問下你... 係咪有男朋友...... ?」

面前的啊盈沒有回答只是靜靜的看著我。

唉~我在問什麼鬼問題? 偏要令氣氛那麼尷尬嗎....

「我都係隨口問下啫~哈哈,唔使介意。」我笑笑說, 希望扯開話題。

「我有呀~」

「...... 」

時刻我靜默下來,眼睛看著面前的她。

本想一笑而過,現在卻什麼也說不出來。
已有 0 人追稿