《指戒的同棲故事》[完]【純愛】: 28 - 去程•之言
飛機起飛，坐在商務機艙的一角我設身感受到甚麼叫金錢的享受。
我伸直雙腳，享受著這寬敞又舒適的空間，舒服舒服~
想想對上一次坐飛機的時間應該已經是三年前的事了嗎，那時的經濟坐位的感想絕對是沒有辦法給比較呢~
畢竟現在我也是叫作為分公司代表出去公幹~
有這樣的待遇也是真的要多虧在前面頭等艙的敏小姐~
我微微站起，把頭探出來觀察著四周圍的情況。
看來整個商務艙也比我們公司給佔領了呢~四周圍也是一些有印象的人~
這樣說起來我們公司的人還真多呢......
大家都和身邊不同的人有講有笑的，畢竟平日幾少機會和不同部門的人來往。
但是話說回來，就剛才登機就不見了啊盈的身影呢，她走得那麼快幹麼？
然後就連小敏都在上機的時候消失了。
現在我的身邊可是一個熟悉的人也不見有。
我把頭四處張望，希望能找到一個半個熟悉的人。
突然，一塊40多歲的男人臉出現在我眼睛前緊緊10cm的距離。
「嘩！......」我們一同被嚇得離開了半步。
為甚麼我的面前會出現了一個大叔的？
不要這樣吧，對心臟不好喔。
這個情況如果給我一個女生也許會好得多。
我再一次探出頭來看看剛才那個大叔到底是誰。
「矣？藤宮先生？」我有點呆的看著坐在旁邊一臉不好意思的藤宮先生。
「Sorry呀~嚇親你添。」他笑笑口。
「呀！唔會，係我唔好就真突然間走出嚟。」我抓抓頭：「我估唔到有人會坐係我隔離。」
「don’t mind, don’t mind~」他笑回。
「係喇，藤宮先生點解你會坐喺呢個角落頭度嘅？我仲以為你會同敏小姐一齊係前面㖭。」我有點不解。
「哈哈~唔使叫我藤宮先生喇，我唔鍾意咁拘謹~ 叫我mr tom啦」他依然笑口：「你係阿謙係咪？」
「係！」我大聲回應。
「咁我叫你謙仔可以？」他問。
「當然冇問題藤宮先生，呀！Sorry, mr tom。」
「哈哈~」他拍一拍我膊頭：「坐依到都幾好呀，可以睇下大家做緊乜，坐前面好無聊㗎，唔係飲酒就瞓覺，坐呢度好玩啲~」
我笑說和議，這樣一看藤宮先生還真的風趣幽默。
「哈哈，我仲諗住你會想陪下敏小姐添~」
面前的他皺一皺眉：「唉~所謂夫妻呢啲嘢對得多都唔係幾好，大家都係男人你明嘅~」他拍一拍我膊頭
我尷尬的笑笑：「原來係咁~」
看來藤工先生都是一個怕老婆的人。
「講下第二啲啦，嚟緊present緊唔緊張？」
「矣？緊張？」我想了想：「緊張一定有嘅...不過做到幾多我都做咗，之後都係睇個天~」我抓抓後腦說。
「有一句說話叫做只要做好準備死神就唔會搵上門，不過就算有咩事你partner都會follow你，唔使咁擔心嘅。」他說
「 都係嘅...」我低頭暗語著。
「佢好似叫Candy係咪？成日都聽到有人提起佢，能力高又捱得苦，真係一個叻女嚟。」
「嗯，我都係咁覺得。」我淺淺回應。
「呀不過呢~」他抓了抓下巴的短短鬍鬚：「望住佢就覺得佢同鈴音都幾似。」
「唉？鈴音？」
很耳熟的名字呢，卻又想不起是誰，是在哪裏聽過呢？
「唔好意思，鈴音係？...」我小心翼翼的問着。
「呀~鈴音係我個衰囡包呀，佢平時都唔會係公司出現，你唔知都好正常。」他笑說。
「原來係咁。」我回。
「又強勢又有自信，做野永遠一直線，從來唔使人擔心，呢啲地方同我個衰女一模一樣。」
「除咗冇公主病呢一點完全唔同之外~」他說著尷尬的笑了笑：「我個衰女係末期公主癌嚟。」
「哈哈哈。」我笑了笑：「聽你咁講令千金都係一個好優秀嘅人嚟。」我回
「的確一直以嚟佢都好出色嘅。」他感嘆一下：「不過有時我都會希望佢可以簡單平庸啲。」
「點解咁講？」我有點不解。
「謙仔，優秀嘅人好辛苦㗎，要回應人哋嘅期望，所以會將所有嘢都攬曬上身，就好似踩鋼線一樣，一步都唔可以錯。
「唉。」他嘆一口氣：「但係呢，幾優秀嘅人都係人嚟，又點會有完美，佢點都會有支持唔住嘅時候，個人就會好容易諗埋一邊，開始鑽牛角尖辛苦自己。」
「做人父母嘅又有邊個會想自己仔女咁辛苦」
「所以我真係寧願鈴音佢平庸啲傻更更開開心心咁樣，總好過成日俾壓力自己。」
「原來係咁......咁又真係幾辛苦嘅。」
「不過好在，個衰囡有個疏堂表哥一直係佢身邊幫我睇實佢我都冇咁擔心。」他笑了笑：「雖然佢哋成日嘈嚟嘈去，不過鈴音份人咁刁蠻，有時都係要畀人鬧下教訓下先得嘅。」
「始終對住任性嘅人一把刮醒佢係最好，我都幾同意呢一點。」他狡猾的笑了一下
聽着的我點了點頭，默不作聲的同意。
這樣一看藤宮先生和自家女兒的相處還挺有趣的......
「呀！傾咗咁耐阻住你休息添，仲有成三個鐘頭飛機，你就趁呢段時間休息下啦謙仔。」他輕輕拍一拍我膊頭。
「係嘅mr tom 。」我回應了，接著他就轉過身去了。
而我也從對話中回到自己的世界。
我抬頭一看四周，四周的景況和剛才一樣，我依然找不到其他人的蹤影......
還是算吧，還是睡一少會吧。
好好休息一下，畢竟還有三個小時的路程呢。
這樣想著，我便閉上雙眼開始休息起來。
然後時間慢慢過去，
三小時後，終於到達日本成田國際機場。
筆主的話
話說三年前我坐經濟客位嘅感覺到而家依然無法忘記
三年啦，我真係好掛住坐飛機嘅感覺.....
好想去旅行..........