《指戒的同棲故事》[完]【純愛】: 41 - 此情•真意
「我冇必要講大話，佢上個月已經遞左信畀我。」
霞姐淡淡言說著，彷彿一切都意料之內一樣。
話說上個月遞信...不就正好是回香港那時嗎？
為甚麼她要走得那麼突然？為甚麼？
「係幾時？...」
「幾時？...」
「佢係幾時決定要走？」
「下...」她嘆了一口悶氣：「幾時開始我都唔清楚，但係...我睇佢應該已經決定左一段時間。」
「係呀......」我說不出甚麼，只懂低着頭。
「依件事我仲未同其他人講，知道嘅人暫時只係得你同其他高層。」
「霞姐你點解要特登同我講？」
「因為...你哋嘅事我都知道」
「唔？」
「我一直已嚟都當雪盈係自己親生囡咁對佢，你覺得佢嘅私生活，同咩人一齊往我有咩可能會唔知。」
「原來你咩都知道...」
「係，所以我至想問下你會唔會知道啲乜嘢，但睇你個樣應該都唔太清楚啦~」
「嗯...」我默默點頭：「我都係第一次聽呢件事。」
「下...」霞姐再次嘆氣：「連你都唔清楚，或者依件事對佢嚟講係件唔容許外人插手嘅事嚟...」她低聲道着。
「點都好，既然雪盈要走，嚟緊公司嘅重要事我就拜託你喇，畢竟而家公司入面我最放心嗰個就係你。」
「係......」
。。。。。。
這一天，我已經完成沒法再集中精神...任何工作都心不在焉的感覺。
腦子裏只想啊盈離開這件事，我真的集中不到...
好不容易終於到了下班的時間，我馬上就離開了公司。
「謙？」背後全來小敏的聲音。
「做咩走得咁急嘅？」她走過來捉住我的手臂。
「嗯，有...有啲急事要做，今日陪唔到你住sorry……」
「唔嗯~唔緊要，咁我今日自己走啦~」
「sorry小敏...」
我輕輕吻了一下她的面蛋就離開了。
走了一段路，我終於回到家了。
我打開房門，發現家裏沒有人。
她還未回來...
我一個人坐在空溜溜的沙發，時鐘發出嘀嗒嘀嗒的聲音充斥著整個客廳。
我一言不發，腦袋只想著到底要對她說甚麼？
我到底...還可以對她說甚麼......
但愈坐，人就愈平靜不下來。
離職那麼大件事，為甚麼就不能告訴我？
我感覺到心中萌生了不安以外的另一種感覺。
這是一點點憤怒的感覺......
「咔咔...」大門打開了
我的視線馬上望了過去。
「乜你今日咁早返呀？」她平淡問到，彷彿跟平常一樣的態度。
「嗯...」
「我今晚約咗人，返嚟攞啲嘢就出去。」她說，接著打算回房間。
「盈！......」我叫停了她。
「咩呀？...」她回過頭來。
「今日...唔見你嘅，你放假咩...」
「呀...」她低下頭，想了想：「人事部叫我清一清啲假...依幾日我都唔會返......」
「乜係咁呀...哈哈......」
「嗯...冇嘢我入返去先。」
說罷，她就回頭走去，然而，正當她準備拉開房門時。
「講大話...」我忍不住漏出這話
她原本旭動的手停了下來。
「你辭咗職係咪......」
她放下手，慢慢轉身過來。
「你知道咗嗱...」
「嗯...點解要走？」我擺出認真的樣子，希望她能給我好好的答案。
她別過眼睛，像不想和我接觸一樣。
「冇點解...只係想換過個新還境啫，都係時候出去其他地方試下......」
「真係咁簡單...？」
「嗯......」
她的視線依然沒有對上我...只是一直迴避。
「你就咁走咗，你要大家點算？你要霞姐點算？」
「仲有好多地方需要你㗎。」我有點激動，揸緊了拳頭。
「依家有你呀嘛。」
「呃？......」
「我已經教曬你所有嘢，以後我唔係到都好，你都可以好似我咁去幫大家，幫霞姐手。」
「你咁樣太自私喇...」
「對唔住...但係以後只可以靠你喇。」
話畢，她再次拉動門把開門。
但是......
這次我把門拉著了。
「做咩呀？！」她有點驚訝。
「依句係我問你至真...」
我低著頭，努力隱藏自己的心情，但是...
無論我怎樣壓制，還是無法藏起這份不甘。
「點解？...點解要瞞住我？！」
「唔通我就唔值得你相信？！乜我哋唔係朋友嚟咩？......」
「點解你唔同我商量下先？要自己一個決定曬所有嘢？......我哋咁耐以嚟嘅日子唔通就唔值得你比一份信任嗎？......」
她沒有回應，只是默默低著頭。
良久，她終於開口了。
「係唔值得...」
「吓......」
「我哋只係同事，根本稱唔上係朋友...」
「最多就只係租客同業主嘅關係......」
「我希望你搞清楚...我哋之間...根本唔存在......你口中嗰份友誼。」
她的話中沒有多餘的情感，彷彿一切都真有其事一樣。
聽着心就發痛
「唔好講...」我說。
「你咁大個人...不如清醒下好冇...唔好再玩埋啲所謂嘅朋友遊戲喇......」
「咩叫我哋咁耐以嚟嘅日子...真係虧你講得出啲咁嘅說話......」
「唔好再講喇！」
我說着，同時把背向自己的她拉了過來。
本想著發洩不滿的心情，但...
「！！！！......」
當她的臉出現在我眼前的一瞬間，我卻變得不懂反應來......
「嗚咽...嗚咽......」
淚水，不斷從她的眼角流出來。
我一時不懂反應，握著門把的手鬆開了，然後整個人被她推開了。
「依啲...先唔係有女朋友嘅人應該講嘅說話嚟呀！...」
她說著，含淚的眼睛直視著我。
「明明一開始決定曬所有嘢嘅人係你，我只係順應你嘅決定...憑乜嘢我仲要畀你咁樣教訓...」
「明明已經冇辦法再得到，但就要每日睇住鍾意嘅人同其他人一齊...點解仲要我每日感受依種心如刀割咁痛苦...李文謙！你好殘忍呀！」
「呀盈...唔通你......」
「係...我鍾意你，但依份感情冇可能實現，亦都冇咁嘅資格......」
接著呀盈含著淚水奪門而出，離開了這個家。
剩下我一個，在這個空溜溜的房子中獨自呆著。
我就像有如一木偶一樣不懂反應的跪在地上。
一邊看著阿盈離開的影子，一邊回憶起呀盈的說話。
直到現在，我才終於知道她心中真正的感受...