《未知結局的我們》: ［9—安全感不足］

［9—安全感不足］

安全感到底是什麼？吃得的嗎？我不知道。但我知道沒有安全感的情侶很快便會分手，就如我和凱恩一樣。

異地戀是戀愛中信任的考驗，經得起考驗的情侶能夠長長久久，但經不起的情侶便會各散東西。

今天是我過了英國的四個月後，我一如既往的在起床後打電話給凱恩。

「喂？」凱恩問。





「係我呀。」我表明身份。

「嗯。」凱恩冷淡的說。

「做咩呀？唔開心？」我關心的問。

我感受到凱恩負面的情緒，應該是不太開心，我回想起昨天做過的事情，到底會是什麼令她不高興，是我沒有跟她說再見？還是沒有跟她說晚安？我真的想不到。

「嗯，少少唔開心咁。」凱恩承認。





「做咩呀，係咪我有野激嬲你？」我問。

「我問你呀，你尋日喺邊？」凱恩問。

「我？我..我尋日出咗去同朋友食飯囉。」我心虛。

的確，我昨天晚上是跟朋友出去吃飯了，只有一個女生，她是我在英國認識的朋友，是香港人，所以很容易溝通，但我害怕凱恩會胡思亂想，所以沒跟凱恩說。

「咁點解你冇同我講？」我感受到凱恩快要哭了。





「咁我怕你亂諗呀嘛。」我解釋。

「咁我而家知道咗，咪仲亂諗？」凱恩說。

「喂大佬呀，唔講你又亂諗，講咗你又亂諗。」我不能冷靜。

「李梓謙，而家你咩態度，咁惡鬧我？」凱恩開始忍不住怒火。

「大佬，咁係呀嘛，你又唔講道理！」我被她的責罵惹起怒火。

「咁唔鍾意，分手囉！」凱恩把長年累月的不安感發洩出來。

「好呀！」我一時三刻沒想太多。

其實我的心很痛，回想起剛才的衝動，真的有點後悔，我並不想跟凱恩分開，但我不知道如何挽回凱恩。





說完之後，我便把手機熄掉，撲上床上準備「大覺瞓」。大約過了半小時後，睡不著的我才把手機開回，希望能娛樂一下。當我一打開手機時，便發現了有人找我，我發現原來是子琳，所以我打開了看了看。

子琳：
11:00「你同佢搞乜，佢喊住咁打比我。」

我：
11:23「冇呀，佢話要分手。」

子琳：
11:24「我同佢call緊，要唔要一齊？」

我：
11:24「好。」





過了大概一分鐘我便收到她們打來的電話。

「喂。」我接通了電話。

「喂？」子琳說。

「不如我地傾下？」凱恩問。

「嗯。」我道。

「頭先對唔住，但我想講，異地戀真係好冇安全感，不如我哋分手。」凱恩保留決定。

「好啦，我攰喇，我cut線先。」我掛掉電話。

雖然凱思仍然再次提出分手的決定，但我的心沒有想像中那麼疼痛，反而感覺如釋重負，好像能夠重新開始了，但真的不能回頭了。





聽到子琳的聲音後，才發現我真的很掛念她，不知道同在英國的我們，能否見上一面？

在分手後，我在通訊錄也找不一個合適的人來訴苦，但我突然想到一個人，她就是昨天和我吃飯的女生，她名為晴熹。

我：
12:00「我同女朋友散左。」

晴熹：
12:00「搞乜呀你哋？」

我：
12:01「佢話我尋日同你食飯冇同佢講。」

晴熹：




12:01「咁你又衰嘅，點解唔同佢講？」

我：
12:02「咁我驚佢唔比嘛。」

晴熹：
12:02「你唔講，佢而家知道左咪仲嬲，仲搞到散埋，為乜？」

我：
12:02「講又嬲，唔講又嬲，你哋啲女仔想點？」

晴熹：
12:03「車，你自己都係女仔嚟。」

我：
12:04「咁我冇你哋咁婆婆媽媽呀嘛。」

晴熹：
12:05「我唔知啦，我淨係知，今次係你錯。」

我：
12:05「咁你比我自己沉澱下先，遲啲傾。」

聽完晴熹的說話後，我知道今次可能真的是我錯了，但好像真的沒有可能了，原因不是誰對誰錯，而是異地戀。