《妖具》-我無啦啦做左個道士，仲要係全香港最大粒果個 ! ?: 《靈異協會 ? ! 》 2

 「喂？」

  「呀行。今晚7點，黃竹坑大王爺廟等。唔黎你知嫁啦。」電話入面傳出的女聲帶有一絲絲的威脅。想都不用想是小藍。但正當我想開聲的時候，「嘟～嘟」兩聲。小藍已掛斷了電話。

  「邊個都唔可靠。為左條命仔﹐唯有自學啦。」我默默打開電腦。

 約定時間很快到來。

  在黃竹坑大王爺廟門前。小藍坐在圍欄上﹐一邊喝水一邊看了一下手提電話。





  「小藍 ! 」

  小藍把口中的水噴了出來。

  呀行一身黑色外衣加上墨鏡及一盆盆栽。

  「呀行~你搞咩呀!哈哈~玩cosplay呀 ? 」小藍一邊大笑一邊說。

  「唔好叫我呀行﹐叫我Leon。」我托一托墨鏡﹐一臉自信望著小藍。





  「我已經準備好去捉鬼。正所謂抓鬼要用保鮮紙，打鬼要用朱古力。我兩樣都帶曬黎。」我邊說邊從衫袋中拿出巧克力和保鮮膜。

  「你諗住靠依啲野捉鬼 ?你唔會自己仲摺左頂可以飛嘅帽？ 」小藍依舊笑到上氣不接下氣。雙手放在頭的旁邊做出翅膀擺動的動作。

  「唔好玩啦﹐依啲野邊得嫁。朱古力比我﹐保鮮紙就留番自己用。行啦~同埋放低盆花除左副超先好跟我入去。」小藍一手搶過我的巧克力﹐繼續恥笑我。我立即除下墨鏡﹐收起保鮮膜。

  小藍轉身走向大王爺廟。我把花盆放在垃圾桶旁。默默把紙摺的帽子放在垃圾桶上。雙手合實紀念一下我白白浪費的數小數﹐馬上便跟上小藍的步伐。

  「呢度係靈異協會嘅港島區分部。一陣入到去咩都唔好講﹐到左你間房先好講野。」小藍把手指放左嘴上﹐示意我不要出聲。





  「點解?」

  小藍沒有理會我。她按下石獅子的左眼﹐左眼留下一個空洞。「卡塔」的一聲﹐石獅子的右手反轉。出現了一個跟我家中書櫃一模一樣的石手印。小藍把手放到手印上。不出數秒﹐石獅子原本空洞的眼睛﹐出現了一粒紅色的眼。大門隨之而打開。

  「我屋企都....」

  「噓~」小藍再次把手指放左嘴上。我只好默默跟左小藍的背後。隨著大門的打開﹐我走進一條黑色的隧道。然後我來到了「香港靈異協會」。