《妖具》-我無啦啦做左個道士，仲要係全香港最大粒果個 ! ?: 《畫符 ? ! 3》

「唔係啊呀依張都叫似。哈哈~」小藍絲毫沒有給我面子﹐只有無情的嘲笑。

  「有冇咁差呀 ! 」畢竟是兩小時的心血﹐雖然不是百份之一百的一樣﹐但沒有九成也有八成。

  「你真係覺得似?」小藍仿佛看穿了我的內心。我點了一點頭﹐我對我畫的符紙有一定的信心。

  「你揀多幾張自己滿意的﹐揀完叫我。」眼神中透露着一絲陰謀。

  我立刻到紙符山中找尋的滿意的符紙﹐但能夠令我滿意的多不勝數。過了一會兒我便選好了。我把所有滿意的都拿給了小藍。





  「大佬 ! 我叫你揀幾張﹐唔係叫你揀幾十張呀 ! 」小藍從我手中隨機抽了三張便走到門口。

  小藍帶我走到協會一個不起眼的角落﹐那裹有一扇看起來很普通的木門。沒想到打開後又是一個全新的世界。

  那是一個面積近千呎的地方﹐其實我一直想知道為什麼協會的地方比起外表看起來大出那麼多。

  「小藍﹐其實點解依度大過出面咁多嘅 ? 」我忍不住問了一下小藍。

  「係結界 ~你有無聽過西貢結界?」我點了點頭。





  「其實原理係一樣﹐只係施術者同方法有啲唔同。而我地依度就係靠曬可可佢地。」小藍邊說邊擺弄身旁的機器。

  「可可係咪好靚嗰個﹐佢唔係前枱姐姐黎嫁咩?不過我記得佢唔係...有條尾.....」我突然想起第一次見到他時隱約看到他的尾巴。

  「係得依度嘅人每一個都唔簡單﹐唔好睇佢咁可愛就想蝦佢﹐佢以前係日本有另一個名叫葛葉。」小藍故意在最係一句壓低聲。
  「葛葉?」雖然我明白小藍最後一句是想告訴我可可有多利害。但葛葉這個名字我聽都未聽過﹐在我腦海中不斷番查也沒有一點頭緒。

  「未聽過 ?自己番去google下﹐ 咁佢個仔安倍晴明聽過未?」 

「日本好出名嗰個陰陽師﹐佢唔係死左好耐啦咩?可可點會係....」





  「你死佢都未死﹐佢狐妖黎嫁 ! 邊有咁易死。」小藍反了一下白眼。

  「搞掂！」小藍拍了拍手上的灰塵，並按下了身邊機器上紅色的按鈕。

  在按鈕按下的瞬間﹐三名假人彈起。