《妖具》-我無啦啦做左個道士，仲要係全香港最大粒果個 ! ?: 《香港仔聖伯多祿中學8》

「那你身旁嘅一定係人稱協會最強嘅小藍施主。」

  「小藍？我唔係呀，你係咪認錯人。」連忙解釋自己不是小藍。

  「原來係陳道長女朋友仔。係貧僧眼拙哈哈～」長空大師放聲大笑，阿泳沒有否認只是臉變得有點紅。

  「喂！老鬼個後生仔係你地d人?」杜神父慢慢地走向山度士身處的位置。

  「我隱約聽到佢講咩道長。」由於山度士與杜神父的距離較遠，聽得不太清楚。





  「我點知？協會大部分人都未見過嫁啦，鬼知咩！」山度士忙著準備一會兒的工作。

  杜神父有些不解剛剛的長空大師氣場明顯降低了不少。

  山度士帶好道士帽，拿出一盤黑狗血﹐上香開壇。

  「師父係咪好似平時咁，你一講三七氣流一轉，我就扮鬼上身就得啦。」道童走近山度士輕聲問道。

  「作死呀你！今次黎真嫁！」山度士重重地打左道童的頭上。





  「你同師兄弟攞定墨斗線、糯米、銅錢劍，切記一樣都唔可以少。」道童點了點頭表示明白。

  「今次可能係黑殭，一定要嚴陣以待。」山度士的表情十分凝重。

  「睇黎真係睇到啦，應該真係有殭屍。」阿泳聽到山度士所說，便捉著我的衣袖，語氣十分興奮。

  「不過可惜唔係吸血鬼﹐不過黑殭到底係咩黎?」阿泳有一瞬間有點失落，但只是一瞬間而已，很快又再次回復興奮。

  「殭屍分別有白殭、黑殭、毛殭﹐白殭其實就即係喪屍﹐而毛殭就係喪屍王。而殭屍電影所見到嘅就係跳殭﹐小施主你最想見到嘅吸血鬼就即係我地所講嘅飛殭。」長空大師向著阿泳解釋。我也是第一次聽說原來兩者是一樣的﹐怪不得上次見的那殭屍與電影所出現的截然不同。





  此時﹐四名道童各自拿出一張藍符異口同聲地說「天靈靈﹐地靈靈﹐人來隔重紙，鬼出隔重山。」四張藍符同時燃燒﹐結界覆蓋整坐校園。

  山度士起壇作法﹐左手持杯盞﹐右手結印﹐口中開始念咒。杜神父看到山度士開始作法﹐便與修女們一同走向我們的方向一同觀看。

  「天無忌﹐地無忌﹐天地無忌﹐百無禁忌。」山度士緩緩地從口中念出﹐一旁的道童敲打著銅鑼﹐跟一般的法事並沒有什麼分別。