《妖具》-我無啦啦做左個道士，仲要係全香港最大粒果個 ! ?: 《香港仔聖伯多祿中學30》

「可可﹐知唔知黑色的符的結界可以點破?」當然既然力量破不了﹐便只能求助於這方面的專家。

  「等陣 ! 你係咪講緊黑色的符?」

「我見到入面好似有張黑色的符﹐應該係用佢黎維持結界。」

  「黑色的符...500年前已經係最後一次見。」可可的聲音有點小﹐好像是在自言自語。

  「咩話?唔係好聽到，你講多次。」





  「冇野…你依加係邊 ? 我直接過黎搵你。」

  「我係聖伯多祿中學舊校果度﹐個結界好麻煩嫁?」

「總知唔好輕舉妄動﹐我好快到。」

  可可便掛斷了電話。

  在等待可可的期間﹐小藍嘗試了所有的方法闖入結界之內﹐但依然徒勞無功。





  突然間樓梯處傳出了一聲大叫﹐小藍立即躲了起來。

過了一會兒便有一隻女鬼從中走出﹐但女鬼彷彿感受不到結界的存在﹐輕輕鬆鬆便走出了學校。

  「主人真係幾犀利﹐估唔到手擘都接得番。」她不斷旋轉手臂﹐好像在嘗試什麼。

  「同之前真係完全冇分別。」

  正當她在自言自語的時候﹐小藍已經在暗處拿起一張藍符。





  「四方靈獸﹐八方神明﹐白虎聽我號令﹐急急如律令！」一道刺眼的藍光發出。

  女鬼還未黎得及反應﹐已被一下重重的巴掌拍在地上﹐動彈不得。

  「講 ! 入面發生左咩事。」小藍走到女鬼的面前蹲了下來。