《妖具》-我無啦啦做左個道士，仲要係全香港最大粒果個 ! ?: 《十道9》

「周婆婆琴日瑪門殺左長空大師﹐阿泳同師父當時都係現場﹐同埋呢單野可能同撒旦教有關。」小藍連忙向周婆婆解釋﹐這才令周婆婆的殺氣收回。

「冇諗到居然係瑪門﹐不過關係到撒旦教咁就一切都有可能。」周婆婆有些疑惑﹐但並沒有深究。

「但係九龍分部失竊嘅妖具正正就係瑪門嘅妖具。」周婆婆帶有疑惑的態度﹐看了我一眼。

「我根本唔知....」我搖搖頭表示不解﹐根本完全不知發生了什麼。

「係喎...哈哈~老啦~老啦~行仔應該真係唔關九龍分部嘅妖具失竊事﹐佢根本唔知妖具庫係邊。」周婆婆仿佛發現到一個重點﹐不忘嘲笑一下自己的記憶力。





「周婆婆其實我都未聽過咩係妖具。」沒想到小藍也不知妖具是什麼。

「妖具比較特別﹐行仔可能都未必知道。」周婆婆再沒有深究下去﹐繼續向我們解釋妖具是什麼一回事。

我當然唔知道是什麼一回事﹐妖具也只是在昨日才是第一次聽到。

「每一件妖具都代表左一個妖、魔又或者係...神。」

「雖然妖具有分 神器、魔具、同最普通嘅妖具﹐但除左神器以外﹐我地一般都會統稱妖具。」





「有人強大到可以控制妖具﹐而未夠實力就接觸妖具只會有一個下場。」

「就係...成為妖。」周婆婆一臉正經地說。

我雖然不是太能明白是什麼一回事﹐但經歷過昨晚的事情﹐大約便是杜神父與無悟的分別吧。

「咁其實三團氣有咩特別?」阿泳好像聽得明白﹐但依舊有些不解。

「三團氣即係代表你可以同時使用三件妖具。」周婆婆向阿泳解釋。