《妖具》-我無啦啦做左個道士，仲要係全香港最大粒果個 ! ?: 《華富邨6》

「即係點?咁複雜嘅﹐老老實實我一句都聽唔明。」我一點也聽不明到底他在說什麼﹐只能問小藍有否聽明白。

「簡單啲講就係﹐佢做左野你地就要比錢﹐唔比佢就放番隻鬼出黎。」小藍特意放大聲線﹐讓眾人都能夠聽到。

「就當我地唔好彩﹐大家夾都係少少姐。當係破財擋災﹐破財擋災。」眾人都一致認同﹐用錢解決問題。

「咁我地就收左呢隻女鬼。」

「遲啲賬單會加上呢筆費用。」俊仔立即把道袍放到道壇之內﹐而道袍的聲音亦消失了。





「三一一轉, 乾坤一開。玄天大帝指令一開, 七色令旗開哂佢。牛鬼蛇神, 是非小人走哂佢。」張天師再一次在法壇上念起咒語。

「小藍你啱啱有冇見到女鬼?」我輕聲問道。

「你睇唔到咁可能係道行未夠。」小藍輕輕彈了一下我的額頭。

「咁即係佢真嘅道士。」我有些驚訝。

「哈哈~不過我可能都未夠﹐因為我都見唔到。」小藍原來只是在開個玩笑。





「鈴~! 鈴~ ! 」突然在天井之中清脆悅耳的鈴鐺聲傳入眾人的耳朵。

「黎啦。」小藍的臉色突然變得十分凝重。

「天靈靈﹐地靈靈﹐太上老君速速顯靈...」張天師亦開始加快了念咒的速度。

天井內突然陰風陣陣﹐緊張感絲毫沒有比黑殭出現時低。